Kwidzulitsa 31:6 - KITABU KITAKATIFU

⁶ Muve avagulu kandi avaluviriri. Mutatia kandi mutadegerizwa navo mba, kigira Yahova Nyasaye winyu alazia harara nimunyi. Sialamuleka anoho kumusuura mba.”

Kwidzulitsa 31:6 Iomraidhean Croise

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Litanga 28:15

Wizulizi, Inzi ndava harara na ivi kandi ndakukukingi havundu hoosi ha uzia; kandi ndakakwiranye mukivala yiki. Si ndakakoleke mba, kuduuka lwa ndakaduukizi goosi aga mali kukulaga.”

2 Samweli 10:12

Ove wizingulu kandi muluviliri! Genda kulwaaniri avandu viitu vudinyu kandi madaala ga Nyasaye wiitu. Uvulariri vwa Yahova vokoleke!”

1 Avami 2:2

“Ing'inga yange yu kukuza yisundi himbi. Kunangwa ove wizingulu, welolekizi kuva mundu musaza,

1 Avami 6:13

Ndamenya hagati ha vandu vange Isiraeli na sindavaleka kali hakuzu mba.”

1 Avami 8:57

Yahova Nyasaye wiitu ave ni kunyi kuli yaali na vaguuga viitu; atakoleka kandi atakoleka mba.

1 Kyetsinyinga 22:13

Niiva ulahulira malago goosi ga Yahova yaaha Musa kigira Isiraeli, ulagasizwa ligali. Uguluhi ove wi zinguru kandi muluviliri. Utatia mba kandi utahenda mwoyo mba.

1 Kyetsinyinga 28:10

Kunangwa kuduuki kumanyiriza ndi Yahova umali kotovola ivi ukwumbaka Litembeli lilie litakatifu. Kalunu uve mugulu ma wumbake Litembeli nu mwoyo gwugwo gwosi.”

1 Kyetsinyinga 28:20

Mwami Daudi yavolera muyaayi weve Solomoni, “Uve mugulu kandi muluviliri. Tanga likora miyinzi na utaleka kindu kali kilala kukusingiriza mba. Yahova Nyasaye wange, alava harara nivi. Yahova si alakoleka mba. Alava nivi kuduuka lwi miyinzi yigi josi jiu vwumbaki vwi Litembeli lilie gitweeka.

2 Kyetsinyinga 32:7

“Muve avagulu kandi avaluviriri. Mutatia mwami wa Asiria anoho iliihi linene liaveeye nalio mba. Koveeye ni zinguru zinene ligali ku lovega lwiitu kuvita iziveeye ku lovega lwilwe.

Zaburi 27:1

Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Zaburi 94:14

Yahova sialaleka avandu veve mba; sialang'ara yavo avaveeye aveeve mba.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Jeremia 1:8

Utavatia mba kigira mbeeye harara na ive na ndakukinga. Inzi Yahova mali kovora!”

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Haggai 2:4

Navuzwa kalunu kali mundu mulala ku munyi atakuza mwoyo mba. Mukore miyinzi kigira mbeeye harara na munyi.

Zekaria 8:13

Avandu vi Ivuyuda kandi avandu va Isiraeli! Mumadiku gaavita vageni vaalaamana ni vavoola, ‘Kivi kilala chere chaduuka ku vivala vie Ivuyuda na Isiraeli kimuduukili.’ Navuzwa ndakamuhonye, maku vageni yavo valakavoolerane, ‘Mwaza nyora vugasu vwi Ivuyuda na Isiraeli vanyoola!’ Kunangwa muve avaluviriri kandi mutatia mba.”

Livalidza 13:20

Mulole niiva kivala yiki keveeye na malova manolu noho madamanu, kandi niiva keveeye kivala chi misaala noho kivala kitaveeye ni misaala. Muve avaluviriri kandi muleete ku makuyu malala agaveeye mu kivala yiki.” Yiki yaali ing'inga ya makuyu gaali nigatangi kwenga.

Livalidza 13:9

Kutura mu ihiiri ya Benjamini yatovola Paliti muyaayi wa Rafu

Livalidza 14:9

Mutahing'ana na Yahova mba, kandi mutatia vandu vamenyi mu kivala yiki mba. Kulavaguuta ligali. Yahova aveeye harara ni kunyi kandi amali kuguuta avanyasaye vaavo avavakingaa. Kunangwa mutatia mba.”

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

1 Vakorintho 16:13

Mulindi, musingiri vudinyu mu lisuuvira lienyu, muve valuviriri, kandi muve ni zinguru.

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

Kwidzulitsa 1:21

Heenzi, Yahova Nyasaye winyu umali kuhaana ku munyi kivala zana. Muzie mwingiri mu kandi mukivuguli kuli Yahova Nyasaye wavaguuga vinyu yamuvolera. Mutatia anoho kukuza mioyo mba.’

Kwidzulitsa 1:29

Navuzwa inzi ndavavolera, “Mutatia anoho kukuza mioyo kigira avandu yavo mba.

Kwidzulitsa 11:8

“Muhuliri malago goosi ga inzi mali kuhaana ku munyi kalunu. Maku mulambuka mugera gwa Jorodani nukuvugula kivala cha muveeye ahimbi kwingira mu.

Kwidzulitsa 20:1

“Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Kwidzulitsa 31:23

Maku Yahova yamoloma ku Joshua, mwana wa Nuni namuvolera, “Ove umugulu kandi muluviliri. Ulimilira avandu va Isiraeli kuduuka mu kivala cha ndavasuuviriza, na Inzi ndava harara niivi.”

Kwidzulitsa 31:7

Kunangwa Musa yalanga Joshua namuvolera imbiri wa avandu va Isiraeli vosi, “Ove mugulu kandi muluviliri, kigira ivi niyie wimilira avandu yava kwingira mu kivala cha yasuuviriza avaguuga vaavo.

Kwidzulitsa 31:8

Yahova mwene alakwimilira kandi ave harara niivi. Sialamuleka anoho kumusura mba, kunangwa utakuza mwoyo anoho kutia mba.”

Kwidzulitsa 4:31

Aveeye Nyasaye wiliverererwa. Sialamuleka anoho kumudiviza, kandi sia alivilira lilagana lia oyo umwene yalomba na avaguuga vinyu ku liesuuha mba.

Kwidzulitsa 7:18

Mutavatia mba; mwizurizi aga Yahova Nyasaye winyu yakola ku Mwami wa Egebeti kandi ku avandu veve vosi.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Joshua 10:25

Ahene yaho Joshua yavolera vimiliri vi liihi veve, “Mutatia anoho kukuza mioyo mba. Muve avagulu kandi avaluviriri, kigira nindio Yahova naakole ku vasigu vinyu ava muzizaa kulwaana navo.”

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.