Kwidzulitsa 31:3 - KITABU KITAKATIFU

³ Yahova Nyasaye winyu mwene alimiira imbiri winyu. Aladiviza zihiiri zimenyaa yo kunangwa muduuki kuvugura kivala chavo. Joshua alava mwimiliri winyu kuli Yahova yavoola.

Kwidzulitsa 31:3 Iomraidhean Croise

Litanga 48:21

Maku Yakobo yavolera Josefu, “Inzi mbeeye ahimbi kukuza, navuzwa Nyasaye alava harara nivi. Alakwimilira kwirana mukivala cha vaguuga vovo.

Vikolwa 7:45

Ing'inga yeyo avaguuga viitu vaavugura lihema kutura ku vababa vaavo. Valiginga nivazia nalio nivaveeye harara na Joshua. Vaginga lihema yilio lwa vamala kuvugura kivala chi zihiiri zia Nyasaye yakunga imbiri wizimoni ziavo. Liali yo kuduuka ing'inga ya Daudi.

Kwidzulitsa 1:30

Yahova Nyasaye winyu alimilira munyi kandi alamulwaanira, kuli mwalora vuzwa nakora mu Egebeti

Kwidzulitsa 3:28

Ohe Joshua amalago geege. Muluvirizi kandi muleminyi mwoyo gwigwe ku lienya lilie; kigira alimilira avandu yava vaambuki kuzia kuvugura kivala cha ivi olola kila.’

Kwidzulitsa 31:14

Maku Yahova yavolera Musa, “Lidiku lie likuza liilio liesundi ahimbi. Laanga Joshua na umuleete mu Lihema liu kuvuganira mu, kunangwa nduuki kuhaana kuye amigizu geege.” Kunangwa Musa harara na Joshua viingira mu lihema liu kuvuganira mu na Yahova.

Kwidzulitsa 31:23

Maku Yahova yamoloma ku Joshua, mwana wa Nuni namuvolera, “Ove umugulu kandi muluviliri. Ulimilira avandu va Isiraeli kuduuka mu kivala cha ndavasuuviriza, na Inzi ndava harara niivi.”

Kwidzulitsa 31:4

Yahova aladiviza avandu yavo kuli yaguuta Mwami Sihoni na Ogu; avami va Vaamori, kandi naadiviza kivala chavo.

Kwidzulitsa 34:9

Joshua, muyaayi wa Nuni yaali niyizuuyi ovogeri kigira Musa yaali namutovoye avuguli vogono vwivwe. Avandu va Isiraeli vahulira Joshua kandi nivalinda malago ga Yahova yaali navaheeye kuvitira ku Musa.

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Kwidzulitsa 9:3

Na vuzwa kalunu mulelorera aveene ndi Yahova Nyasaye winyu alimiira imbiri winyu kuli muliru gusambaa. Alavadiviza nokuvagehiza imbiri winyu lwa muvatulira. Kunangwa, mulavakunga nokuvadiviza vwangu kuli Yahova yamusuuviriza.

Vahebraina 4:8

Joshua alava ni yaaha avandu vosoosi vwa Nyasaye yasuuviriza, ngano Nyasaye siyali yakavooye lwinyima ku makuva gi lidiku lindi mba.

Joshua 1:2

Yavoola, “Mutumikiri wange Musa ukuzi Ivi harara na avandu vosi va Isiraeli, mwetegeke kalunu, mwambuki mugera gwa Jorodani nukwingira mu kivala cha muheezaa.

Joshua 11:15

Yahova yaali nahaani malago geege ku mutumikiri weve Musa, Musa naye yaali nagahaani ku Joshua, na Joshua naye yagalonda. Yakola kindu choosi cha Yahova yaali nalagi Musa.

Joshua 3:7

Yahova yavolera Joshua, “Aga ngola kalunu galakola avandu vosi va Isiraeli vatange kuhaana luyali ku ivi kuli musaza munene, kandi valamanya ndi Inzi mbeeye harara niivi kuli ndaali harara na Musa.

Joshua 4:14

Ku lidiku yilio Yahova yanenehiza Joshua imbiri wi zimoni zia vandu va Isiraeli. Vamuha uluyali madiku gi livamwoyo lilie liosi, kuli yahaana ku Musa uluyali.