Kwidzulitsa 31:16 - KITABU KITAKATIFU

¹⁶ Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Kwidzulitsa 31:16 Iomraidhean Croise

Litanga 15:15

Navuzwa ivi ulamenya kuduuka uhindiri, ulakuza na ulatevwa ni mirembe.

Litanga 25:8

Yakuza naveeye musakulu ligali kandi muviri gwigwe gwayavilwa kuli avaguuga veve.

Litanga 47:29

Lwa ing'inga yeeye yu kukuza yaduuka, yalanga muyaayi weve Josefu kandi na muvooleraa, “Vika mukono gugwo hagati hamatango gange, kandi wisuhi ndi ivi si ulakanzaviri mu Egebeti mba.

Litanga 47:30

Inzi nyenya nzavirwi uwa vaguuga vange vaayavirwa; ungingi kutura mu Egebeti kandi unzaviri uwa vayavirwa.” Josefu yativura, “Inzi ndakora kuli ovooye.”

2 Samweli 7:12

Lwa ukuza na uyavilwi harara na avaguuga vovo, ndakora mulala ku avayaayi vovo kuva mwami munene kandi ndakora uvwami vwivwe kuva vwizingulu.

1 Avami 1:21

Niiva ulavula kokora ndio, nonoho lwukuza, muyaayi wange Solomoni harara ninzi kulavalizwa kuli vazami.”

1 Avami 18:18

Elija yativura “Inzi simbeeye mudambizi mba. Ni ivi harara na baba woovo avaveeye vadambizi. Ivi uvula kuhulira malago ga Yahova nukusigamira vifananyi via Baali.

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

2 Avami 18:12

Samaria liaguutwa kandi ni ligumirwa kigira vandu va Isiraeli sivahulira Yahova Nyasaye wavo mba; navuzwa vavunanyia lilagana lia Yahova yaali ni yalomba navo; kandi ni vavura kuhulira malago goosi agahaanwa na Musa, mutumikiri wa Yahova. Sivali vanyara kuhuliriza kinga kuhulira.

2 Avami 20:1

Mu madiku yago mwami Hezekia yalwala kandi navuyika ligali. Muporofeti Isaya muyaayi wa Amozi yazia kuye namuvolera, “Yahova akovoleraa; ulungikize makuva gi inyumba yooyo vulahi, kigira uzizaa kukuza; siulahona mba.”

2 Kyetsinyinga 21:11

Kuvita yaga, yumbaka havundu hukusigamira misambwa mu vigulu vie Ivuyuda, kandi niyimilira avandu vi Ivuyuda na Jerusalemi kokora uvwoni imbiri wa Yahova.

Ayubu 20:11

Vigumba vivie vizuyi zinguru zio vosooleri, navuzwa viosi vilagona mu luguchi harara naye.

Zaburi 106:39

Vekola aveene avadamanu ku vikolwa viavo, kandi vasigamira vifananyi viavo.

Zaburi 73:27

Henza, yavo avalekaa ivi valadiva ligali. Ivi uladiviza ligali yavo avataveeye avasuuvirifu ku ivi.

Kutwula 32:6

Mugambazuri lidiku lialonda ku valeta zinyama ziukusamba kuli visiuviliru kandi zindi kuli zisadaka zie mirembe. Avandu viikara hasi kulia, nivanwa, nivavina; vagirung'ana ni vakora voheyi.

Kutwula 34:15

Mutahambani na avandu vi kivala yicho mba, kigira ulwa vasigamira avanyasaye vatamanyikani nu kuhaana kuvo visiuviliru, valamugenihiza, kandi mulagelizwa ukulia harara navo viukulia viavahanaa ku vanyasaye vaavo.

Isaya 48:8

Munyi simwahulira, kandi simwamanya kutura mu madiku gakale mba. Inzi ndaamanya ndi munyi muveeye avagaadi, kandi muveeye avibaali kutura mu liivulwa lienyu.

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Ezekieli 16:15

“Navuzwa mwasuuvira mu vulahi vwinyu ligali kandi nimutumikira limanyikana lienyu kokora uvulaya. Mwamanya nimwihaana ku mundu woosi wa mwanyoola.

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Hosea 10:4

Avandu yava vamoloma mang'ana gavuzwa, kandi valomba lilagana liavuzwa kandi indagano yavuzwa. Kunangwa vakoli likalaga lirungi kuva likalaga litaveeye lirungi kuli indiva yi sumu ku vitagwa mu mulimi.

Kyavalevi 26:15

Niiva mulasuura kuhulira malago gange ni lilagana liange lia ndalomba nimunyi,

Livalidza 27:13

Ni vakamala kolola kivala yiki, ulakuza kuli amwavo woovo Haruni yakuza

Vikolwa 13:36

Daudi yaduukiza vulaliri vwa Nyasaye mu madiku geege; ma yakuza, na ateevwa ahimbi na avaguwga veve, nu muviri gwigwe gwagunda.

Kwidzulitsa 31:18

Kandi ndakasuuli kuvakonya, kigira vamali kokora uvudamanu, kandi kusigamira avanyasaye vandi.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Kwidzulitsa 32:50

Ulakuzira ku kiguru yicho kuli amwavo woovo Haruni yakuzira ku kiguru cha Hori muviri gwigwe gwayavilwa kuli avaguuga veve.

Kwidzulitsa 34:5

Kunangwa Musa, mutumikiri wa Yahova, yakuzira yo mu kivala cha Moabu, kuli Yahova yaali navooye, galava.

Kwidzulitsa 4:25

“Kali lwa muliiva nimwakamenya mukivala zana ku ing'inga indambi, nokwivula avana na aviisukulu, mutakola uvwoni ku lielombera munyi aveene kifananyi chavazwa mu lifaana lie kindu choosi mba. Yaga gaveeye madamanu imbiri wa Yahova Nyasaye winyu kandi galamuvihiliriza.

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”

Vakalagi 10:13

Navuzwa munyi mwanzivilira, kandi nimwilana kusigamira vanyasaye vandi, na kalunu Inzi sindamukonya kandi mba.

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.

Vakalagi 2:11

Maku vandu va isiraeli vaakora vwoni imbiri wa Yahova, nivatanga kusigamira vanyasaye va Baali;

Vakalagi 2:12

valeka kusigamira Yahova Nyasaye wa vaguuga vaavo, uwaali niyavaleeta kutura mu kivala cha Egebeti; vatanga kusigamira vanyasaye va vandu vaali ahimbi kuvo. Vaavinamira ni vakora Yahova kuva nu vutima.