Kwidzulitsa 31:14 - KITABU KITAKATIFU

¹⁴ Maku Yahova yavolera Musa, “Lidiku lie likuza liilio liesundi ahimbi. Laanga Joshua na umuleete mu Lihema liu kuvuganira mu, kunangwa nduuki kuhaana kuye amigizu geege.” Kunangwa Musa harara na Joshua viingira mu lihema liu kuvuganira mu na Yahova.

Kwidzulitsa 31:14 Iomraidhean Croise

Litanga 47:29

Lwa ing'inga yeeye yu kukuza yaduuka, yalanga muyaayi weve Josefu kandi na muvooleraa, “Vika mukono gugwo hagati hamatango gange, kandi wisuhi ndi ivi si ulakanzaviri mu Egebeti mba.

1 Avami 2:1

Lwa Daudi yaali ahimbi kukuza, yalanga mwana weve Solomoni naamuha makuva gege gukumaliriza:

2 Avami 1:4

Volera umwami Yahova avoora ndi, ‘Siulahona kutura mu lisalira liilio lidamanu yilio mba; ivi ulakuza ligali!’ ” Elija yakola kuli Yahova yalaga,

2 Avami 20:1

Mu madiku yago mwami Hezekia yalwala kandi navuyika ligali. Muporofeti Isaya muyaayi wa Amozi yazia kuye namuvolera, “Yahova akovoleraa; ulungikize makuva gi inyumba yooyo vulahi, kigira uzizaa kukuza; siulahona mba.”

Ayubu 1:6

Lwa lidiku liaduuka lie zingelosi va Nyasaye vazia kwimanyia imbiri wa Yahova, Setani naye kandi yazia harara navo.

Ayubu 2:1

Lwi lidiku liaduuka, zingelosi va Nyasaye vazia kwagana harara imbiri wa Yahova kandi, Setani yaliho hagati haavo.

Kutwula 33:11

Yahova yamoloma na Musa moni na moni, kuli mundu amolomaa nu mulina weve ma Musa yirana hokososa. Navuzwa musoleri Joshua, uwaali Mukonyeleri weve, mwana wa Nuni, yaatigara mu Lihema liukuvuganira mu.

Kutwula 33:9

Inyima wa Musa yalange niyakingira mu Lihema, munara gwi lilesi gwika hasi, na Yahova yamoloma na Musa kutura mumalesi.

Kutwula 34:2

Wetegeke mugamba mumavwevwe, na wanigiri ku kiguru cha Sinai kunzaganira kosonga kwacho.

Kohelethu 9:5

Yee, avandu vaveeye mwoyo vamanyi ndi vazizaa kukuza, navuzwa vakuzu si vamanyi kindu mba. Sivaveeye na madanyi gandi mba; vayivilirwa ligali.

Isaya 38:1

Ing'inga yene yeyo, mwami Hezekia yaali mulwaye kali kuduuka ahimbi ku likuza. Muporofeti Isaya mwana wa Amozi yazia kumulora, kandi namuvolera, “Yahova avoora, ulungikize vindu viosi kigira siulahona mba, navuzwa ulakuza.”

Livalidza 27:12

Yahova yavolera Musa, “Zia kondongozi yi kiguru cha Abarimu ma ohenze mu kivala chanzizaa kuhaana ku vandu va Isiraeli.

Livalidza 27:13

Ni vakamala kolola kivala yiki, ulakuza kuli amwavo woovo Haruni yakuza

Livalidza 27:18

Yahova yavolera Musa, “Vugula Joshua mwana wa Nuni, umundu winyaliza ma uviiki ku mutwi gwigwe makono googo.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Kwidzulitsa 31:13

Munzira yiyi, visukululwi vienyu, avakikiri kuhulira ku Lilaga lia Yahova Nyasaye winyu kali hakuzu, valalihulira. Kandi ndio, valiiga kutia Yahova Nyasaye winyu madiku goosi aga mulimenya mu kivala cha muveeye ahimbi kukivugula, engeleka wumugera gwa Jorodani.”

Kwidzulitsa 31:2

navavoolera, “Inzi mbeeye ni mihiga mia moja na sirini kandi simbeeye unyaliza kuva mwimiliri winyu mba. Kandi komeeda ku yaga Yahova amali kombolera ndi sindambuka mugera gwa Jorodani mba.

Kwidzulitsa 31:23

Maku Yahova yamoloma ku Joshua, mwana wa Nuni namuvolera, “Ove umugulu kandi muluviliri. Ulimilira avandu va Isiraeli kuduuka mu kivala cha ndavasuuviriza, na Inzi ndava harara niivi.”

Kwidzulitsa 32:50

Ulakuzira ku kiguru yicho kuli amwavo woovo Haruni yakuzira ku kiguru cha Hori muviri gwigwe gwayavilwa kuli avaguuga veve.

Kwidzulitsa 34:5

Kunangwa Musa, mutumikiri wa Yahova, yakuzira yo mu kivala cha Moabu, kuli Yahova yaali navooye, galava.

Kwidzulitsa 4:22

Inzi ndakuzira mu kivala yiki kandi sindambuka kali hakuzu mugera gwa Jorodani mba, navuzwa munyi muveeye ahimbi kwambuka nukuvugula kivala kilahi yicho.

Joshua 23:14

“Kalunu mbeeye ahimbi kukuza. Vulii mulala ku munyi amanyi mu mwoyo gwigwe kandi roho gwigwe ndi Yahova Nyasaye winyu umali kuhaana ku munyi vosi vindu vilahi via yamusuuviriza. Vuli lisuuvirizwa lia yalomba limali kuduukizwa; sihaveeyeho ni iliayavula kutwekiza kali kilala mba.

Joshua 24:1

Joshua yavuganyia harara zihiiri ziosi zia Isiraeli ha Shekemu. Yalanga avakulundu aviimiliri, avakalagi na vanene va Isiraeli kandi vaza imbiri wa Nyasaye.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,

1 Samweli 10:19

Inzi mbeeye Nyasaye winyu, umuhonyiaa kutura mu kivi chienyu kandi mu vudinyu vwinyu vwosi, navuzwa kalunu, mumali kunyambakana kandi muteevi inzi muhe mwami. Vulahi ligali; kunangwa, mwivungize imbiri wa Yahova kolondekana ku zihiiri zienyu kandi ku miliango jinyu.’ ”

1 Samweli 26:10

Daudi yaazizagilira kovora, “Ku Yahova oveeye mwoyo, inzi manya ligali Yahova mwene aliita Saolo, niiva ing'inga yi likuza lilie liduka, anoho akuziri mu vulwani.