Kwidzulitsa 31:12 - KITABU KITAKATIFU

¹² Vungiza harara avandu vosi, avasaza, avakali, avana navageni vamenyaa mu madaala ginyu goosi, kunangwa vuli mundu aduuki kuhulira makuva yaga nukwiiga kuhaana luyali ku Yahova Nyasaye winyu kandi kulinda nokokola amigizu goosi gililaga yili.

Kwidzulitsa 31:12 Iomraidhean Croise

Ezara 10:1

Lwa Ezara yaali nasigami mu lisaala imbiri wi Litembeli lia Nyasaye, nalira kandi niyiyamaa uvwoni vwa avandu ku Nyasaye, muganda munene gwa vandu va Isiraeli vasaza, avakali kandi avana vaza nivamukumbiriza kandi nivalira vululu ligali.

Kyavalevi 9:5

Valeta vindu viosi via Musa yaali nalagi imbiri wi Lihema, avandu vosi visuundi himbi nukusingira Yahova.

Haggai 1:12

Maku Zerubabeli, Joshua na vandu voosi vaali ni vakatula Babiloni mu vuhaambe, vakora cha Yahova Nyasaye wavo yavavolera. Vaali nu vuti kandi vaatia muporofeti Hagai mutumwa wa Yahova.

Yohana 5:39

Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Kwidzulitsa 29:29

“Vindu viaviswa viveeye via Yahova Nyasaye wiitu navuzwa viveeye havulavu viveeye vietu harara na vana viitu mihiga ni mihiga, kunanwa kuduuki kokora makuva gi lilaga lilie.

Kwidzulitsa 29:9

Muhuliri nu vusuuvirifu vwosi amakuva goosi gi lilagana yili kunangwa muduuki kugasizwa mu vindu viosi via mukora.

Kwidzulitsa 31:13

Munzira yiyi, visukululwi vienyu, avakikiri kuhulira ku Lilaga lia Yahova Nyasaye winyu kali hakuzu, valalihulira. Kandi ndio, valiiga kutia Yahova Nyasaye winyu madiku goosi aga mulimenya mu kivala cha muveeye ahimbi kukivugula, engeleka wumugera gwa Jorodani.”

Kwidzulitsa 4:10

kigira lidiku lia mwasingira imbiri wa Yahova Nyasaye winyu ku kiguru cha Sinai, lwa Yahova yambolera, ‘Vuganyia avandu. Nyenya vahuliri makuva ga nyenya mbore, kunangwa vaduuki kwiga kumbulira madiku goosi aga vaveeye mwoyo kandi kunangwa navo valiegizi avana vaavo kokora malala meere.’

Joshua 8:33

Avandu va Isiraeli vosi, harara na viimiliri vaavo na vanene vaavo, na vakalagi vaavo, harara na vageni vaali hagati haavo, vasingira ku zimbega ziviri zie Lisandugu lie Lilagana nivahenzi avasaalisi, avandu vihiiri ya Levi avaaligiingaa. Inusu ya vandu zana vasingira nivahenzizi migongo ku Kiguru cha Gerizimu, na inusu yindi nehenzizi migongo jaavo ku Kiguru cha Ebali. Mutumikiri wa Yahova Musa, yaali yavalaga vakole ndio lwa ing'inga iduuka yavo vanyoore uvugasu.

Joshua 8:35

Vuli lilago ku malago ga Musa gasomwa na Joshua ku livugana liosi lia vandu va Isiraeli, avakali, avana harara na avageni vamenya hagati haavo.