Kwidzulitsa 30:3 - KITABU KITAKATIFU

³ maku Yahova, Nyasaye winyu alava ni zimbavasi ni munyi. Alamwiranyia kutura mu zihiiri uwa yaali namali kumusalanyia kandi alamukola muve ni limeedeka.

Kwidzulitsa 30:3 Iomraidhean Croise

Litanga 28:15

Wizulizi, Inzi ndava harara na ivi kandi ndakukukingi havundu hoosi ha uzia; kandi ndakakwiranye mukivala yiki. Si ndakakoleke mba, kuduuka lwa ndakaduukizi goosi aga mali kukulaga.”

Litanga 48:21

Maku Yakobo yavolera Josefu, “Inzi mbeeye ahimbi kukuza, navuzwa Nyasaye alava harara nivi. Alakwimilira kwirana mukivala cha vaguuga vovo.

1 Kyetsinyinga 16:35

Mu muvoolere, “Okohonyie, O, Nyasaye muhonyi witu; ukuvungize harara, ma okohonyie kutura ku zihiiri ziosi, kunangwa kuduuki kusandiza nu kwizominya lieta liilio litakatifu.”

Nehemia 1:9

Navuzwa niiva mulirana ku inzi, nukuhulira malago gange, ahene yaho kali niiva avandu vinyu vasalanywa vaveeye ihale ligali ku keheri chi lirova, ndavavungiza kutura yo kandi mbaleete havundu ha inzi ndovoye nduuki kusigamirwa.’

Ayubu 42:10

Maku, lwa Ayubu yaali ni yakasaala valina veve vavaga, Yahova yamugasiza kandi naamuha ivindu haali kaviri kuvita ivia yaali navio maziambiri.

Zaburi 107:3

kandi umali kumwiranyia kutura muvivala vigeni, Ivugwi kuduuka Imadioli, kandi kutura Ivaale kuduuka Isavaalu.

Zaburi 147:2

Nyasaye yumbaka Jerusalemi vuhia; yiranyia avandu va Isiraeli avaari ni liadikizwa.

Isaya 27:12

Lidiku yilio, kutura ku mugera gwa Efurate kuduuka ku lwako lwa Egebeti, Yahova alavungiza avandu veve sa mulala, kuli mundu yahulanyia ingano kutura ku mukuzi.

Isaya 43:5

Mutatia mba kigira inzi mbeeye harara nimunyi! “Ndaleta kisukururwi chienyu kutura Ivugwi kandi ndamuvungiza harara kutura Imadioli.

Isaya 54:7

“Ndaakoleka ku ing'inga engekeeke; navuzwa ku uvuyanzi vonene ligali, ndakwilanyia hango kandi.

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Jeremia 12:14

Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 31:10

Yahova avoora, “Zihiiri mumbulirizi, kandi mulandizi makuva gange muvisuru vie ihale. Inzi ndasalanyia avandu vange, navuzwa ndavavungiza kandi ndavalinda kuli mwayi alindaa chayo chiche.

Lisyoma lya Jeremia 3:22

Uvuyanzi vwa Yahova vutaveeye nekeheri, zimbavasi zizie siziveeye ni keheri mba;

Lisyoma lya Jeremia 3:32

Kali niiva aletaa ovovereri, alamanyia, uvuyanzi vwivwe kukuinyi voveeye vwi ligali kandi uvwizingulu ligali.

Ezekieli 11:17

“Kunangwa uvavoolere aga inzi, Mwami Munene Yahova mboraa. Ndavavungiza kutura muvivala uwa ndavasalanyira, kandi ndakavilanyili kivala cha Isiraeli.

Ezekieli 36:24

Ndamuvugura kutura mu zihiiri, kandi ndamuvungiza kutura muvivala viosi, nukumuleeta mu kivala chienyu aveene.

Ezekieli 39:28

Maku avandu vange navamanye ndi, Inzi mbeeye Yahova Nyasaye wavo. Valakamanye yaga kigira ndaavahila mu lihaminywa na kalunu ndavavungiza kandi hagati hi zihiiri kandi ndaviranyia mu kivala chavo, vugira koleka mundu kali mulala kuvo kutigala inyima.

Mika 7:19

Ivi ulakoveera zimbavasi kandi. Ukusamihi uvwoni vwitu, kandi utavwizuliza mba.

Zekaria 10:9

Kali niiva ndaavasaalanyia hagati hi zihiiri, kali muvivala viehale, valakanzizulizi. Valakahononoke harara na vana vaavo, kandi valakilane yengo harara.

Varumi 11:23

Kali avandi nivatahongera mulivula kusuuvira liavo, valahambanywa mu, kigira Nyasaye aveeye nu vunyali kuvahambanyia mu kandi.

Varumi 11:26

Kandi nindio vandu va Isiraeli vosi valihonywa. Kuli Mang'oda Matakatifu gavoora, “Muhonyi alatula Ziyoni, kandi alatuliza uvudamanu vwosi kutura ku visukululwi vosi via Yakobo.”

Varumi 11:31

Munzira ndala nzere, kigira zimbavasi zia munyi mumali konyoora, Avayuda kalunu sivatizaa Nyasaye mba, kunangwa navo kandi vaduuki konyoora zimbavasi zia Nyasaye.

Kwidzulitsa 13:17

Kilala ku vindu viakalagirwa kudivizwa vitanyoleka ku mu makono ginyu mba, ma kandi Yahova agirung'ana kutura mu vutima vwivwe vululu; alamuveera zimbavasi, kandi alamukola muve avandu vanyingi kuli yasuuviriza avaguuga vinyu,

Kwidzulitsa 4:27

Yahova alamusalanyia hagati hi zihiiri zindi, uwa avakeekeke vuzwa ku munyi valatigala mwoyo.