Kwidzulitsa 30:2 - KITABU KITAKATIFU

² Niiva munyi harara ni visikululwi vienyu, mulirana ku Yahova, kandi muhuliri malago geege nu mioyo jinyu josi agamuhezaa kalunu,

Kwidzulitsa 30:2 Iomraidhean Croise

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

1 Kyetsinyinga 29:9

Avandu vaali nu vuyanzi vonene ligali kigira vaali nivamali kuhaana kuli valalira. Mwami Daudi naye kandi yayanza ligali.

2 Kyetsinyinga 30:9

Niiva mulirana ku Yahova, hene yaho yavo avamali kuhila avamwavo vinyu navana vinyu mu vuhambe valavamanyia liverererwa, na vavaleke viirane yengo mu kivala chavo. Yahova Nyasaye winyu aveeye wi zimbavasi kandi wilivererera. Niiva mulirana kuye, alamuvugilira.”

Nehemia 1:9

Navuzwa niiva mulirana ku inzi, nukuhulira malago gange, ahene yaho kali niiva avandu vinyu vasalanywa vaveeye ihale ligali ku keheri chi lirova, ndavavungiza kutura yo kandi mbaleete havundu ha inzi ndovoye nduuki kusigamirwa.’

Zaburi 119:2

Vaveeye nuvugasu yavo avalondaa malago geege, avamuhulira nimioyo jaavo josi.

Zaburi 119:80

Leka mwoyo gwange gove vugira imbara ku amalago googo, kunangwa mburi kuvikwa mu zisoni.

Zaburi 41:12

Ivi ulangonya kigira ngolaa agaveeye malungi; ulambiika mbe imbiri woovo mihiga ni mihiga.

Jeremia 29:13

Munyi mulanyenyeriza na mulanyola, kigira mulanyenyeriza ni mioyo jinyu josi.

Jeremia 3:10

Inyima wivindu yivi, Yuda amwavo utaveeye musuuvirifu, wa Isiraeli yagada vuzwayirani ku inzi; siyaali nagiligali mba. Inzi Yahova mali kovora.”

Jeremia 36:3

Namusia lwa avandu vi Ivuyuda vahulira kigira lidiviza liasaaviraa koleta kuvo, valagirung'ana kutura kuzinzira ziu vudamanu. Maku ndavasamiiha uvudamanu vwavo kandi uvwoni vwavo.”

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Lisyoma lya Jeremia 3:32

Kali niiva aletaa ovovereri, alamanyia, uvuyanzi vwivwe kukuinyi voveeye vwi ligali kandi uvwizingulu ligali.

Lisyoma lya Jeremia 3:40

Leki kogelizi kandi kwehenzelizi zinzira zietu, kandi kwirane ku Yahova!

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Kyavalevi 26:40

“Navuzwa aviisukulu vienyu viliganira uvwoni vwavo nu uvwoni vwa vaguuga vaavo vahing'ana inzi kandi nibaala ku Inzi.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

2 Vakorintho 3:16

Navuzwa, ing'inga yu mundu agirung'anaa kuuza ku Mwami, ikitambaya yicho kitulizwaho.

Vafeso 6:24

Zimbavasi zia Nyasaye zive na yavo vosi avayaanzaa Mwami wiitu Yeso Kristo, ni liyaanza litaveeye ne keheri.

Kwidzulitsa 13:3

mutahuliriza amakuva gu muporofeti oyo, anoho mulooti oyo mba. Yahova Nyasaye winyu atumikiraa mundu oyo kugeriza munyi, kumanya niiva muyanzaa Yahova nu mwoyo gwinyu gwosi kandi na roho jinyu josi.

Kwidzulitsa 6:5

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.