Kwidzulitsa 30:19 - KITABU KITAKATIFU

¹⁹ Inzi kalunu muheezaa litovola hagati hi livamwoyo ni likuza, hagati hu vugasu vwa Nyasaye ni kilaamo cha Nyasaye, kandi nangaa ligulu ni lirova kololekiza litovola lia mulomba. Tovoli livamwoyo kunangwa munyi harara ni visukululwi vienyu muduuki kuva mwoyo.

Kwidzulitsa 30:19 Iomraidhean Croise

Litanga 2:17

navuzwa utalia makuyu ku musaala guhana limanyiriza uvulahi nuvudamanu mba. Niiva ulalia makuyu gagwo ligali ulakuza lidiku liene yilio.”

Zaburi 119:111

Amalago googo gaveeye miandu jange ji mihiga ni mihiga; gaveeye uvusangari vwu mwoyo gwange.

Zaburi 119:173

O, Yahova, ove mwetegeku kongonya, kigira nondaa malago googo.

Zaburi 119:30

Mali kotovola kuva musuuvirifu; mali kolonda likalaga liilio.

Tsing'ano 1:29

Munyi mwasuura ovogeri, kandi mwasuura kutia Yahova.

Tsing'ano 12:28

Uvulungi voveeye inzira yi limenya; navuzwa uvuchamu voveeye inzira yu kuzia mulikuza.

Tsing'ano 8:36

Yavo vatanyoolaa visalilizaa vene, ku woosi oveeye nu vusigu ninzi yayanza likuza.”

Tsing'ano 9:11

Ovogeri vulameeda mihiga kulivamwoyo liilio.

Isaya 1:2

Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 56:4

Yahova avooreraa ku mundu kuli uyu ndi, “Niiva ulamba luyali ku liliinda Lisabato, na niiva ulakola aganyaanzizaa kandi nukulinda lilagana liange nu vusuuvirifu vwosi,

Jeremia 21:8

Maku Yahova yambolera mbolere avandu, “Huliri! Inze Yahova, nyenya mutovole hagati hi inzira izizaa mulivamwoyo ni inzira izizaa mulikuza.

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Jeremia 42:21

Na kalunu mali kovoolera munyi, navuzwa si muhulira amakuva goosi aga Yahova Nyasaye wiitu yaandumi kumuvolera mba.

Ezekieli 20:11

Ndaavaha malago gange kandi mimbigiza lilago liange, agaleetaa livamwoyo ku mundu woosi vegehiza kugo.

Luka 10:42

Navuzwa kindu kilala vuzwa nicho chenyekaa. Maria atovooye kindu kilahi, ichalivula kunyagwa mba.”

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Kwidzulitsa 11:26

“Heenzi, kalunu mbana kumunyi vunyali mutovole hagati hu uvugasu ni kilaamo,

Kwidzulitsa 30:1

“Mali kumuha mutovola hagati hi ligasizwa ni kilaamo. Lwi vindu yivi viosi vimali kokoleka ku munyi, kandi mumenyi hagati hi zihiiri zia Yahova Nyasaye winyu umali kumusalanyia, mwilizulizi litovola lia ndamuha.

Kwidzulitsa 30:15

“Henza, kalunu muheezaa litovola hagati hu vulahi nu vudamanu, livamwoyo ni likuza.

Kwidzulitsa 30:16

Niiva mulahulira malago ga Yahova Nyasaye winyu aga muheezaa lidiku lia kalunu, ku liyaanza Yahova Nyasaye winyu, ku ligenda mu zinzira zizie, kandi ku ligumira malago geege nimiima jije kandi ni likalaga lilie, maku mulava mwoyo nokomedeka kuva ihiiri ya vandu vanyingi. Yahova Nyasaye winyu alamugasiza mu kivala cha mwingira mu nokomenya mucho.

Kwidzulitsa 31:17

Lwa yago galiekoleka, ndakave nu vutima vonene ligali. Ndakavaleke kandi valakadivizwi. Amaduywa gukutihiza, manyingi ni kivi galakavagwiri, ma kandi valakamanyirizi ndi vindu yivi viekoleka kuvo kigira inzi, Nyasaye wavo simbeeye navo kandi mba.

Kwidzulitsa 31:28

Vuganyia harara imbiri wange avakulundu vosi vizihiiri zienyu ziosi, navimiliri vinyu vosi, kunangwa nduuki kuvavoolera vindu yivi. Ndalanga ligulu nilirova vive ivilolekizu vinge kuvo.

Kwidzulitsa 32:1

“Ligulu ni Lirova, huliri amakuva gange muhulirizi vulahi agambooraa.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:25

“Kali lwa muliiva nimwakamenya mukivala zana ku ing'inga indambi, nokwivula avana na aviisukulu, mutakola uvwoni ku lielombera munyi aveene kifananyi chavazwa mu lifaana lie kindu choosi mba. Yaga gaveeye madamanu imbiri wa Yahova Nyasaye winyu kandi galamuvihiliriza.

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.

Kwidzulitsa 4:6

Mugalonde nokugakola nu vusuuvirifu kigira yaga galamanyia avandu vizihiiri zindi kuli muveeye avageri kandi avilimanya. Lwa vahulira malago yaga goosi, valavoora, ‘Ligali ihiiri enene yiyi veveeye no vogeri kandi ni limanya!’

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.