Kwidzulitsa 3:16 - KITABU KITAKATIFU

¹⁶ Kandi ndaha vandu vi ihiiri ya Rubeni na Gadi kivala choosi kutura Gileadi kuduuka kumugera gwa Arinoni. Hagati hu mugera haali ho nu lwako kolovega lwi isavaalu, nu ulwaako lwa ivaale lwali mugera gwa Jaboku, ogoveeye lwako lwa vandu va Amoni.

Kwidzulitsa 3:16 Iomraidhean Croise

Litanga 32:22

Mu vudiku vwene yivwo, Yakobo yavuka, navugura vakali veve vaviri, harara na vatumikiri veve vaviri vi kikali kandi avana veve 11. Yambuka mugera gwa Jaboku.

2 Samweli 24:5

Inyima wukwambuka mugera gwa Jorodani, valomba hokososa Isavaalu wa Aroeri, lidaala linene mugati mwi livona, mu kivala cha Gadi. Kutura yaho, vazia Ivaale kuduuka mu lidaala lia Yazeri,

Livalidza 21:24

Navuzwa vandu va Isiraeli vita vasigu vaavo vanyingi mu vulwani ni vavugura kivala chavo kutura kumugera gwa Arinoni Ivaale wa Jaboku, kuduuka ku vandu va Amoni, kigira ulwako lwa vandu va Amoni lwali ni lwakingwa nizinguru.

Kwidzulitsa 2:37

Sikwisuunda ahimbi ni kivala cha vandu va Amori, zimbega ziosi ziu mugera gwa Jaboku, anoho ku madaala gi kivala chi vigulu anoho havundu handi hoosi ha Yahova Nyasaye wiitu yakulaga kuvuli kuzia yo mba.