Kwidzulitsa 29:25 - KITABU KITAKATIFU

²⁵ “Lituvuli lilava, ‘Gaveeye kigira avandu yava valeka lilagana lia yahova, Nyasaye wavaguuga vaavo, lia yakola navo lwa yavatuliza mu kivala cha Egebeti.

Kwidzulitsa 29:25 Iomraidhean Croise

1 Avami 9:8

“Litembeli yili lilagwa kitumi cha mang'anye, kandi vuli mundu mulala uvitira ho alegosa nokogenya. Alateeva, ‘Kigira ki Yahova naakora ndi ku kivala yiki kandi ku Litembeli yili?’

1 Avami 9:9

Avandu valativura, ‘Gaveeye kigira valeka Yahova Nyasaye wavo, watuliza avaguuga vaavo mu kivala cha Egebeti. Vatumikira kandi nivasigamira avanyasaye vandi. Yicho nicho chagira Yahova naleta kivi yiki kuvo.’ ”

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

2 Avami 17:9

Visiraeli vakora ivindu mu vuvisi ligali iviavula kuva vilungi ku Yahova Nyasaye wavo. Vumbaka havundu hu kusigamira misambwa mu madaala goosi, kutura ku lidaala likekeeke kuduuka ku lidaala linene kuvita goosi.

2 Avami 22:17

Vamali kondeka kandi vamali kuhaana visiuviliru ku vanyasaye vandi, nandio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, navwo sivulasiminywa mba.

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

Zaburi 106:36

Avandu va Nyasaye vaasigamira vifananyi via vanyasaye vaavo, navio viagwa mitego jukuvadiviza.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Isaya 65:11

“Navuzwa munyi mwaleka inzi, Yahova winyu, kandi mwayivirira kiguru change Kitakatifu Munyi mwalomba viukulia niviukunwa nimuhaana ku avanyasaye vu vutugi kandi vi livamwoyo liekeheri.

Jeremia 16:11

Kunangwa uvavoolere Yahova umali kovora, ‘Avaguuga vinyu vagirung'ana kutura ku inzi nivasigamira kandi nivatumikira avanyasaye vandi. Vandeka kandi sivatia nokolonda amigizu gange mba.

Jeremia 22:8

“Avandu kutura mu zihiiri zinyingi valavitira havundu yaaha nokoteeva mundu sa mulala ndi, kigira ki Yahova amali kokora ikindi kuli yiki ku lidaala linene yili?

Jeremia 22:9

Maku valativura ndi gaveeye kigira mumali koleka lilagana lienyu na inzi, Nyasaye winyu, kandi mumali kusigamira kandi kutumikira avanyasaye vandi.”

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 44:3

kigira avandu va madaala yaga vaakora uvudamanu kandi vaangora kuva nu vutima. Vahaana visiuviliru ku avanyasaye vandi kandi nivatumikira avanyasaye vavavula kumanya anoho avavaguuga vaavo vavura kusigamira.

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Kwidzulitsa 29:26

Vazia kutumikira avanyasaye vandi ava vavura kusigamira ku maziambiri, avanyasaye va Yahova yaali ni namali kuvagaya vatasigamira.

Vahebraina 8:9

Lilagana yili si lilakave kuli lia ndalomba harara na vaguuga vaavo ku lidiku lia ndavavugura nu mukono gwange kandi nimbimilira vatuli mu kivala cha Egebeti. Sivali avasuuvirifu ku lia ndalomba navo mba, ninzi sindavakola vave kindu mba, ndavaleka; Mwami avoora.