Kwidzulitsa 29:23 - KITABU KITAKATIFU

²³ Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

Kwidzulitsa 29:23 Iomraidhean Croise

Litanga 14:2

Vazia mu liihi navami vandi vatano: Bera mwami wa Sodoma, Birisha mwami wa Gomora, Shinabu mwami wa Adima, Shemeberi mwami wa Zeboiimu, kandi mwami wa Bela anoho Zohari.

1 Avami 9:8

“Litembeli yili lilagwa kitumi cha mang'anye, kandi vuli mundu mulala uvitira ho alegosa nokogenya. Alateeva, ‘Kigira ki Yahova naakora ndi ku kivala yiki kandi ku Litembeli yili?’

1 Avami 9:9

Avandu valativura, ‘Gaveeye kigira valeka Yahova Nyasaye wavo, watuliza avaguuga vaavo mu kivala cha Egebeti. Vatumikira kandi nivasigamira avanyasaye vandi. Yicho nicho chagira Yahova naleta kivi yiki kuvo.’ ”

2 Avami 22:13

“Muzie mundeevere Yahova kandi mutevere avandu vosi vi Ivuyuda kigira miigizu gi kitabu yiki kimali konyooleka. Yahova aveeye nu vutima vonene na kunyi kigira avaguuga viitu sivakora amakuva gi kitabu yiki kevoolaa vakole mba. Sivakora kulondekana na makuva goosi agang'odwa mu kitabu yiki ku kunyi mba.”

Ayubu 18:15

Kalunu mundu woosi anyala komenya munyumba yeeye, inyima wi zinyasi ziuhiywi mu kugekola eve inahi.

Zaburi 107:34

Yakola kivala cha marova magunamu kuva kuli changalangwe chijumbi, kigira uvuchamu vwa vandu vamenya mucho.

Isaya 1:7

Kivala chienyu kinganyiywi, madaala ginyu manene gasambiywi goosi nu muliru. Avageni vavugura kivala chienyu nukukidiviza ligali na munyi nimulolaa.

Isaya 13:19

Lidaala linene lia Babiloni liveeye lilahi ligali kandi liu vukumi vwu uvwami uvulahi kuvita amadara gandi goosi, liveeye lidaala liu kuyaanziza avandu valio. Navuzwa inzi, Yahova ndalidiviza kuli ndakora ku amadara manene ga Sodoma na Gomora.

Isaya 34:9

Migera ja Edomu jiragirung'anywa kuva ilamu na amalova galagirung'anywa kuva kibiriti. Kivala choosi kilasambwa kuli ilamu.

Isaya 64:11

Litembeli lietu lilahi kandi Litakatifu, havundu ha vaguuga viitu vizominya ivi, limali kusambwa nu muliru, kandi havundu hoosi ha kwayaanza.

Jeremia 17:6

Aveeye kuli uvulimu voveeye mu changalangwi, kandi sialalola uvulahi vwosi mba. Alamenya havundu haveeye ahumu mwigendanyama, mukivala chijumbi chu mundu atamenyaa mu.

Jeremia 20:16

Mundu oyo ave kuli amadara manene aga Yahova yadiviza vugira kugavererera. Mundu oyo ahuliri lilira liu vuzunu mu ing'inga ya mugamba, kandi ahuliri liyoga liu vulwani mu ing'inga yu mbasu hagati,

Jeremia 49:18

Kindu kilala chere kilakekoleke ku Edomu kuli chekoleka ku Sodoma na Gomora, lwa ndagadiviza harara namadaala agaali himbi. Mundu kali mulala si namenye mu lidaala yili kandi mba. Inzi, Yahova mali kovora.

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Ezekieli 47:11

Navuzwa mazi gu muvidende ahimbi ku inyanza si nagalengele mba. Nagatigale yo kuli ijumbi.

Kyavalevi 26:32

Ndadiviza kivala chienyu ligali kali avasigu vinyu vamenyamu valagenya kigira lidiviza yilio.

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Luka 17:29

Navuzwa lidiku lia Loti yatura Sodoma imbura yu muliru kandi yikibiriti yakuuba kutura mwigulu na yadiviza avandu vosi.

Varumi 9:29

Gaveeye kuli Isaya yavoola mu Iitanga, “Umwami Wuvunyali alavula kolekera kunyi valala ku visukululwi via Isiraeli, ngano kwaali kove kuli Sodoma, kandi ngano kwaali kove kuli Gomora.”

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Vakalagi 9:45

Vulwani vwazizagilira umbasu gwosi. Abimeleki yagumira ilidaala, niyiita avandu vaali mu, naalibomora no kolomba ikivala kuva vugira ivitagwa.