Kwidzulitsa 29:20 - KITABU KITAKATIFU

²⁰ Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.

Kwidzulitsa 29:20 Iomraidhean Croise

Litanga 6:7

ma navoora ndi, “Inzi ndadiviza avandu yava avandamala kolomba, kandi nizinyama namanyonyi, kigira mbeeye novovereri ndi ndaavilomba.”

2 Avami 14:27

Navuzwa sivwaali vulaliri vwa Yahova kudiviza Isiraeli ligali kandi mihiga ni mihiga, kunangwa yavahonyia kuvitira mu mwami Jeroboamu wa kaviri.

Zaburi 18:8

Mwochi gwaduuma kutura mu amuulu geege, na olomemo lusambaa na manda gu muliru gwaduka kutura munwa gwigwe.

Zaburi 69:28

Tuliza ho amita gaavo mu kitabu cha avaveeye mwoyo; kandi vatavalizwa harara na avandu vovo valungi mba.

Zaburi 74:1

O, Nyasaye, kigira ki okoleki ligali kuli ndi? Kigira ki usinyikiraa avandu vovo?

Zaburi 78:50

Siyigalira uvutima vwivwe mba, anoho kohonyia livamwoyo liavo kutura mu likuza mba, navuzwa yaviita nuvulwaye vudamanu ligali.

Zaburi 78:58

Vaavihiliriza Nyasaye nuvwaali vwavo vwu kusigamira misambwa, kandi vamukendekiza nivifananyi viavazwa viavo.

Zaburi 79:5

O, Yahova, ivi ulakusinyikira kuduuka mihiga ni mihiga? Uvutima vuvwo vulazizagilira kwaduka kuli muliru?

Zaburi 80:4

O, Yahova Nyasaye Wuvunyali, ulavihilirwa lisaala lia vandu vovo kuduuka ing'inga ki?

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kutwula 34:14

“Mutasigamiri umunyasaye wundi mba kigira Inzi, Yahova, mbeeye Nyasaye wokokendeka.

Tsing'ano 2:22

Navuzwa Nyasaye alatulizaho vandu vachamu kandi avoni kutura mu kivala kuli misaala jifwaa kutura mu marova.

Tsing'ano 6:34

Embodoka ekolaa musaza wu mukali okoli ovoheyi kuva nu vutima kandi sialava ni zimbavasi lwavanzaa kisaalia mba.

Lwimbu lwa Solomoni 8:6

Mwoyo gugwo gutava ku muyanze wundi mba nitali inzi. Utagumira muyanze wundi mba nitali inzi; vuyanzi voveeye ne zinguru kuli likuza. Vovereri voveeye ni zinguru kuli kilindwa.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Ezekieli 23:25

Kigira mbeeye nu vutima nivi, ndaleka vakole goosi ga vanyara ku ivi mu vutima vwavo. Valakalaga amatu googo kandi amuru googo na valitigala valitwa ni kivavi. Valavugula vayaayi na vakana vovo na valasambwa nu muliru nivaveeye mwoyo.

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Ezekieli 5:11

“Kulwayago, kuli inzi mbeeye Nyasaye oveeye mwoyo, Mwami Munene Yahova, kigira mumali kwonogonyia Litembeli liange ni vindu vidamanu kandi ni vindu viukuvihiliriza, ndatuliza liyaanzilira liange ku munyi. Si ndamuhonyia mba kandi si ndamuvererera zimbavasi mba.

Ezekieli 7:4

Inzi si ndamuleka anoho kumumanyia zimbavasi mba. Nziza kumuha mageri kigira vindu viukuvihiliriza viamumali kokora, kunangwa muduuki kumanya ndi, inzi mbeeye Yahova.”

Ezekieli 7:9

Inzi si ndamuleka anoho kumumanyia zimbavasi mba. Inzi nziza kumuha mageri kigira ivindu viukuvihiliriza via mumali kokora, kunangwa muduuki kumanyiriza ndi inzi mbeeye Yahova, kandi Inzi niyie umuhezaa mageri.”

Ezekieli 8:18

Kulwayago, ndahaana mageri kuvo mu vutima vwange. Sindavahonya anoho kuvamanyia zimbasi mba. Kali nivasaara ku inzi mu lihanzuka linene, navuzwa si ndavahuliriza mba.”

Ezekieli 8:3

Kelombe yiki chanyiira mukono nigudiila liisu ku mutwi gwange. Maku mu malola yaga Roho wa Nyasaye yang'inga igulu mwigulu niyambila mu Jerusalemi. Yambira mugati mwuvwingiliru vwa Ivaale vwi Litembeli, ahikifananyi chukuvihiliriza ku Nyasaye chaali.

Ezekieli 8:5

Nyasaye yambolera, “Mwana wu Mundu, henza kolovega lwa Ivaale.” Ndahenza, na ndaalora kifananyi chaali chukuvihiliriza ku Nyasaye ahimbi nu vwali mu vwingiliru vwi kirivwa.

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Nahum 1:2

Yahova Nyasaye siyikuzilaa ku vaahing'ana naye mba; ahaanaa mageri ku yavo avahing'anaa naye. Avanzaa kisaalia mu vutima vwivwe.

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Varumi 11:21

Niiva Nyasaye siyavererera Avayuda vaveeye iziisia zieligali, uganaganaa alavererera ivi?

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

1 Vakorintho 10:22

Anoho ilienya lietu liveeye ndi kokole mwami akendeke, kunyi si koveeye ni zinguru kumuvita mba.

Kwidzulitsa 25:19

Kunangwa, lwa Yahova, Nyasaye winyu amala kumuha kivala zana yicho, kandi namukoli muve ni mirembe kandi naamuhonyi kutura ku vasigu vinyu avamenyaa ahimbi nimunyi, muve na giligali kwita vandu va Maleki vosi, kunangwa mundu kali mulala avuli kuvizuriza mba. Mutivilira kokora ndio mba!

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.

Kwidzulitsa 9:14

Utageriza kuuzingalira mba. Ng'anagana kuvadiviza kunangwa avuli kuva ho nu mundu unyala kuvizuriza kali hakuzu. Maku ndakokola ivi ove baba wihiiri enene kandi yizingulu ligali hakuzu. Maku ndakokola ove baba wihiiri enene kandi yizingulu ligali kuvavita.’

Vahebraina 12:29

kigira Nyasaye wiitu aveeye muliru gusambaa nukudiviza ligali.

Likunula 3:5

Oyo ugutaa uvulwani alaviikwa zinguvu zindavu; sindatuliza lieta lilie mu kitabu chi livamwoyo mba, kandi ndiyama lieta lilie imbiri wa Baba wange kandi imbiri wi zingelosi veve kandi.