Kwidzulitsa 29:19 - KITABU KITAKATIFU

¹⁹ “Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.

Kwidzulitsa 29:19 Iomraidhean Croise

Litanga 2:17

navuzwa utalia makuyu ku musaala guhana limanyiriza uvulahi nuvudamanu mba. Niiva ulalia makuyu gagwo ligali ulakuza lidiku liene yilio.”

2 Avami 24:4

na kuvita ligali kigira avandu va yaali ni yita avatali ni kisaalia kuvo. Yahova siyaali unyala kusamiha Manase ku yaga mba.

Zaburi 10:11

Mundu muchamu avola mu mwoyo gwigwe, “Nyasaye yiiviriiyi! Amolizi zimoni zizie, na sianyala kondola mba!”

Zaburi 36:2

Kigira mundu uyu aganagana aveeye munene kuvita avandi vosi, aganagana ndi Nyasaye sialamanya uvudamanu vwivwe nu kumukalagira mba.

Zaburi 49:18

Kali niiva mundu yigutizwa ni livamwoyo yili, na yizominywa kigira limedeka lie miandu jije,

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Jeremia 18:12

Valativura, ‘Awa, kigira ki kokole ndio? Kunyi kwosi kulava kuli avahindagirizi kandi avandu avuvudamanu kuli kwenya.’ ”

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Jeremia 36:29

Yahova yambolera mbolere mwami ndi, “Ivi umali kusamba Ikaratasi ilingiywi, kandi oteevi Jeremia kigira ki yang'oda ndi mwami wa Babiloni alaza kandi aladiviza kivala yiki nu kwita avandu vamenyi mu kandi zinyama.

Jeremia 44:27

Inzi ndalora ndi munyi si mulagasizwa mba, navuzwa muladivizwa. Munyi vosi avamenyi mukivala cha Egebeti mulakuzira mu liihi anoho mulakuza kigira inzara, kuduuka mwosi muhere.

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Ezekieli 13:16

avaporofeti va Isiraeli avasuuvirizaa avandu va Jerusalemi ndi goosi gaveeye amalahi, lwa gataveeye amalahi!” Yahova Wuvunyali umali kovora.

Ezekieli 13:22

“Mumali kogotiza liluvirira lia vandu valungi nu vugadi vwinyu, ava inzi ndaveeye ni lienya vavuli kusalirizwa. Mwigalira vandu vadamanu vavuli koleka vudamanu vwavo, kandi muhonyia livamwoyo liavo.

Ezekieli 14:7

“Lwa mulala ku vandu va Isiraeli, anoho mulala ku vageni vamenyi mu Isiraeli agirung'ana kutura ku inzi nukusigamira vifananyi, maku vazia koteeva zing'anagani kutura ku vaporofeti, Inzi Yahova ndahaana mativuli kuye.

Ezekieli 14:8

Ndahingira mundu uyu. Ndamukora ave kelolero cha maduywa. Ndamutuliza mu kivala cha vandu vange Isiraeli. Maku mulamanya ndi Inzi mbeeye Yahova.

Livalidza 15:30

Navuzwa mundu woosi naava nasaavira kokora uvwoni, ave mundu wa Isiraeli noho mundu mugeni omenyi hagati haavo, alaloleka kuva onyegi Yahova, kandi aliitwa,

Livalidza 15:39

Uvuyusi yivu vulava kuli chukwizuliziraku, vuli ing'inga yoosi lwa muheezaa kuvwo, mulizuliza kandi nukutia malago gange. Maku munyi si mulagirung'ana kutura ku inzi nokolonda zinzira zienyu kandi zing'anagani zienyu aveene mba.

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

Vafeso 5:6

Mutaleka mundu kali mulala amugaade na makuva gu vusiru mba; gaveeye kigira vindu yivi uvutima vwa Nyasaye vuduuka ku avandu vosi avavuraa kumutia.

Kwidzulitsa 17:2

“Niiva mulahulira ndi mu lidaala lilala ku madaala ginyu, mundu mulala umali kokora vwoni ku Nyasaye nukuvunanyia lilagana lilie

Kwidzulitsa 28:15

“Navuzwa niiva uvuli kuhulira mwoyo gwa Yahova Nyasaye woovo kandi uvula kuhulira nu vusuuvirifu malago geege goosi nokokola miima jije josi ja inzi mali kumuha lidiku lia kalunu, ahene yaho vilaamo vidamanu yivi viosi vilamugwira.

Kwidzulitsa 29:12

Kalunu musingiyi hano kunangwa muduuki kwingira mu lilagana yili lia Yahova Nyasaye alombaa ni munyi ku liesuuha kandi muvugiliri lienya lialio;

Kwidzulitsa 29:18

Mulole ndi siaveeyeho nu musaza anoho mukali avinyumba anoho ihiiri, usingiyi hano kalunu ugirung'anaa kutura ku Yahova Nyasaye wiitu, azie kusigamira avanyasaye vi zihiiri zindi. Yiki kilava kuli muli guvirukaa kuva kitagwa kilulu kandi chu vusungu.

Kwidzulitsa 29:20

Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.