Kwidzulitsa 28:8 - KITABU KITAKATIFU

⁸ “Yahova Nyasaye woovo alagasiza miyinzi ja makono googo kandi aliizuliza videera vivio nu vuswage. Alakugasiza mu kivala chakohezaa.

Kwidzulitsa 28:8 Iomraidhean Croise

2 Avami 6:27

Yativura navoora, “Niiva Yahova sianyala kumukoonya, ni vokonyi ki vwa inzi mbana? Inzi ngaveeye ku niinganu kinga iwaini?

Zaburi 1:3

Alafananywa numusaala gwasimikwa ahimbi ni migera ja mazi, gwamaa ku muhiga gwagwo matu gagwo siganialaa mba, na viosi via akola vilagasa.

Zaburi 128:2

Ulalia makuyu go logeli lulwo, ulasangala nokonyoora uvugasu.

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 144:13

Videera vietu viizule ligali ni ligesa lie zing'ano ziosi. Na amagondi gave mu milimi jietu giivulane zielefu makumi na makumi.

Zaburi 42:8

Yahova umanyie uvuyanzi vwivwe vutaveeye nekeheri ku ing'inga ya mbasu; kunangwa nduuki kwimba lwimbu lwu kumwizominya ha vudiku. Lwimbu yilu love kuli lisaala ku Nyasaye ombezaa livamwoyo.

Zaburi 44:4

Ivi oveeye mwami wange kandi Nyasaye wange, kandi uhaanaa liguuta ku vandu vovo; visukululwi via Yakobo.

Kyavalevi 25:21

Inzi ndagasiza kivala mu muhiga gwa sita kunangwa kiduuki kwama viukulia vitumika ku mihiga giviri.

Kyavalevi 26:10

Ligesa lienyu lilava linyingi ligali, vilamala muhiga, na kali ndio, mulatuliza nokusiuva viatigala ku vikulu muduuki konyoora vwiyangu vwu kuviika mu vihia.

Haggai 2:19

Kali niiva si koveeye nu vuswage vutigaye, kandi amakuyu, mizabibu, mukomanga, kandi misaala ja muzeituni gitatulizaa makuyu, navuzwa kutura kalunu kuzizagilira, ndamugasiza.”

Matayo 13:30

Leki viombi viviruki harara kuduuka ing'inga yi ligesa. Ing'inga yene yeyo ndakavoolere avagesi. Mutange kuvungiza amavanze, mugavohe mu zinganya gasambwi. Navuzwa ingano mugivungizi na mugeteere mu kedeera change.’ ”

Matayo 6:26

Heenzi amanyonyi gu muvwerefu, sigatagaa, sigagesaa, kandi sigateeraa mu kedeera choosi mba. Navuzwa kali ndio, Baba winyu oveeye mwigulu agalihizaa. Munyi muveeye avalahi ligali kugavita

Luka 12:18

Ndakora ndi; ndasambura viage viange; manyumbake ivinene kuvita, mwene yimwo; ndateera mu vuswage ni viamo viange viosi.

Kwidzulitsa 14:29

Chukulia yiki keveeye cha vandu vinyumba ya Levi vosi, kigira sivaveeye ni kidieli anoho miandu jaavo aveene mba, kandi cha avageni, avavisandu, kandi avakunzakali avamenyi mu madaala ginyu. Kuduuka vaze vavuguli choosi cha venya. Mukore ndio, na Yahova Nyasaye winyu aduuki kumugaasiza mu viosi via mukora.

Kwidzulitsa 15:10

Muhaane kuye nuvuhaani vwosi vugira vwimani, na Yahova alamugasiza mu vindu viosi via mukora.

Kwidzulitsa 15:4

“Yahova Nyasaye winyu alamugasiza ligali mukivala cha amuhezaa kuva miandu jinyu. Sihalavaho nu mulala ku avandu vinyu uva mudaka mba.

Kwidzulitsa 28:20

“Yahova alamuletera vilaamo, ovogoyanu kandi kivi mu viosi via mukoraa muluhi mudivi no kogota vwangu kigira ovudamanu vwa mumali kokora mu limuleka.

Kwidzulitsa 28:7

“Yahova alaguuta avasigu vovo lwa vakwingilira kutura lovega lulala, navuzwa viiruki kutura mu zimbega saba.