Kwidzulitsa 28:64 - KITABU KITAKATIFU

⁶⁴ “Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.

Kwidzulitsa 28:64 Iomraidhean Croise

Litanga 4:14

Ivi umali kungunga kutura ku lirova kandi ndivisa kutura imbiri woovo. Ndagendagenda mukivala, kandi mundu woosi onyoora alaanzita.”

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

2 Avami 25:21

mu zinzako zia Hamazi. Hene yaho, mwami yavoola vakuywi kali kuduuka ku likuza. Na vandu vi Ivuyuda vaahirwa ihale mu vuhambe kutura mu kivala chavo.

Nehemia 1:8

Mwaza ngusaala, yizuliza kalunu likuva lia walaga mutumikiri woovo Musa, noovoola, ‘Niiva munyi avandu va Isiraeli mulavula kuva avasuuvirifu ku inzi, ndamusalanyia hagati ha avandu vi zihiiri zindi.

Zaburi 44:11

Wakokola kuva kuli magondi agahilwa kwitwa. Wakusalanyia mu kivala cha vandu vi zihiiri.

Isaya 6:12

Ndatuma avandu zana ihale ligali nokokola kivala choosi kuva hazwa.

Jeremia 15:14

Ndavakora kutumikira avasigu vaavo mukivala cha vatamanyi kindu kali hakuzu, kigira uvutima vwange voveeye kuli umuliru kandi guladuka nukusamba mihiga ni mihiga.”

Jeremia 16:13

Kunangwa, ndamusiuva ichova wikivala yiki, kivala chamunyi anoho avaguuga vinyu vavura kumanya. Weneyeyo namutumikiri avanyasaye vandi mbasu na vudiku, kandi sinambeku ni zimbavasi kumunyi mba.’ ”

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Jeremia 9:16

Ndavasalanyira muzihiiri ziayavo kali avaguuga vaavo vakiri kuzihulira ku, kandi ndavatumira amahi gavingiliri kuduuka lwambadiviza ligali.”

Lisyoma lya Jeremia 1:3

Avandu vi Ivuyuda vahiliywi mu lihaminywa kigira uvudinyu kandi lisalira. Kalunu vamenyi hagati hi zihiiri, navuzwa si vanyoola havundu hokososera mba. Avasigu vaavo vamali kuvaguuta hagati hu vudinyu vwavo.

Ezekieli 20:23

Kunangwa ndalomba lilagana lindi navo mwigendanyama. Ndisuuha ndi ndakavasalanyiri hagati hi zihiiri muvivala viosi.

Ezekieli 36:19

Ndaavakalagira kolondekana ni limenya liavo kandi ni vikolwa viavo, kandi ndavasalanyia hagati hi zihiiri mu vivala vigeni.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Amosi 9:9

“Ndalaga, na ndasesa avandu va Isiraeli kuli uvuswage vosesaa koloderu. Ndavasesa hagati hi zihiiri nduuki kutuliza ho vosi avataveeye avalahi avatakonya kindu.

Zekaria 2:10

Yahova yavoola, “Mwimbi nu vusangali munyi avandu vamenyi mu Jerusalemi! Nziza komenya hagati hinyu!”

Zekaria 7:14

Ndavasalanyia kuli kiihi nimbahila komenya muvivala vio vogeni. Kivala kilahi yiki chaalekwa chere vugira mundu komenya mucho.”

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Kwidzulitsa 13:8

Mutaleka amugonye kuduuka muvugiliri mba; kandi mutamuhuliriza kali hakuzu mba. Mutamumanyia zimbavasi anoho liverererwa mba kandi mutamukinga mba.

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.

Kwidzulitsa 29:26

Vazia kutumikira avanyasaye vandi ava vavura kusigamira ku maziambiri, avanyasaye va Yahova yaali ni namali kuvagaya vatasigamira.

Kwidzulitsa 30:1

“Mali kumuha mutovola hagati hi ligasizwa ni kilaamo. Lwi vindu yivi viosi vimali kokoleka ku munyi, kandi mumenyi hagati hi zihiiri zia Yahova Nyasaye winyu umali kumusalanyia, mwilizulizi litovola lia ndamuha.

Kwidzulitsa 32:17

Vahaana visiuviliru ku vanyasaye vitali vigiligali; ku avanyasaye vageni va avaguuga vaavo vavura kumanya, avanyasaye va Isiraeli vavura kolonda malago gaavo.

Kwidzulitsa 32:26

Ndakavadivizi ligali, kunangwa avuli kuva ho nu uvizuliza.

Kwidzulitsa 4:32

“Mwenyelerizi amakuva ga madiku gaavita kale, ing'inga ya mwali nimukikiri kwivulwa, kutura ing'inga ya Nyasaye yalomba mundu ku lirova. Yenyelerizi ku lirova liosi. Inguuva enene kuli yiyi yayekoleka ku maziambiri? Mundu woosi, yahulira ku inguuva yu lugano yilu?