Kwidzulitsa 28:58 - KITABU KITAKATIFU

⁵⁸ “Niiva mulavula kuhulira nu vusuuvirifu amigizu ga Nyasaye goosi agang'odwa mu kitabu yiki, kandi muvura kuhaana luyali kulieta liokogenyia na liu kutihiza lia Yahova Nyasaye winyu

Kwidzulitsa 28:58 Iomraidhean Croise

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Zaburi 111:9

Yaavoholora avandu veve kandi nalomba lilagana navo liukuhindira mihiga ni mihiga. Aveeye mutakatifu kandi wizingulu.

Zaburi 48:10

Ivi wizominywa na vandu havundu hoosi, kandi luyali lulwo lulandaa ku lirova liosi. Ivi wamihaa ni likalaga lirungi.

Zaburi 50:7

“O, avandu vange, hulirizi, na ndamoloma, O, Isiraeli nokolorekiza uvudamanu ku munye; inzi mbeeye Nyasaye Yahova winyu.

Zaburi 61:5

O, Nyasaye, Ivi umali kuhulira liesuuha liange, kandi ivi umali kuhaana ku inzi miandu ja yavo avakutizaa.

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Zaburi 99:3

Sa mulala alizominya lieta lilie linene kandi liezingulu. Aveeye mutakatifu!

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 42:8

“Inzi mbeeye Yahova Nyasaye winyu, siaveeye ho numunyasaye wundi ohevwa vukumi vwange mba; anoho sindaleka vifananyi vinyoole lizominywa liange.

Jeremia 5:12

Avandu va Yahova vamali kumusura kandi vavoola, “Yahova sianyala kokora kindu kukunyi mba. Uvudamanu sivulaza kukunyi mba, kandi si kulava nu vulwani anoho inzara mba.”

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Malaki 1:14

Kilaamo keveeye ku oyo mugaadi uhaanaa kisiuviriru chu mutugu mudamanu ku inzi, lwaveeye nu mutugu mulahi muchayo chiche gwayalaga kuhaana ku Inzi! Kigira mbeeye mwami munene, navandu vi zihiiri ziosi vaatia Inzi.”

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Kwidzulitsa 28:15

“Navuzwa niiva uvuli kuhulira mwoyo gwa Yahova Nyasaye woovo kandi uvula kuhulira nu vusuuvirifu malago geege goosi nokokola miima jije josi ja inzi mali kumuha lidiku lia kalunu, ahene yaho vilaamo vidamanu yivi viosi vilamugwira.

Kwidzulitsa 28:59

hene yaho, alatuma ku munyi kandi ku visukululwi vienyu amaduywa guvulwaaye vutahona kandi vulwaye vudamanu vuhambizana uvutanyala kwigalirwa.

Kwidzulitsa 6:13

Muhaane luyali ku Yahova Nyasaye winyu, mumusigamiri oyo yeng'ine vuzwa, kandi mulisuuha ku lieta lilie lieng'ine.