Kwidzulitsa 28:48 - KITABU KITAKATIFU

⁴⁸ Kunangwa mulatumikira avasigu vinyu va Yahova azizaa kutuma kumulwaana. Mulava ni inzara, nu vuluhu kandi chahonyo, kandi vudaka vwi vindu viosi. Yahova alamudambiza nu vululu kuduuka lwa mudivizwa ligali.

Kwidzulitsa 28:48 Iomraidhean Croise

1 Avami 8:33

“Lwa vandu vovo Isiraeli vaguutwa na vasigu vaavo kigira vamali kokora uvwoni, ma kandi lwa vagirung'ana ku ivi na vaza mu Litembeli yili, nivakugonyaa nu mwoyo gwosi vasamiifwi,

2 Kyetsinyinga 12:8

Navuzwa Shishaka alavaguuta kandi valava vatumikiri veve; kunangwa vaduuki kwiga iliavukana hagati hukutumikira inzi nukutumikira avami vageni vi vivala.”

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Jeremia 17:4

Mulaleka kivala cha ndaamuha nu kukihaana ku avasigu vinyu. Ndamukora mu vatumikiri avasigu vinyu mukivala cha mutamanyi kindu kali hakuzu, kigira uvutima vwange voveeye kuli muliru, kandi guladuka nu kusamba mihiga ni mihiga.”

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Jeremia 44:27

Inzi ndalora ndi munyi si mulagasizwa mba, navuzwa muladivizwa. Munyi vosi avamenyi mukivala cha Egebeti mulakuzira mu liihi anoho mulakuza kigira inzara, kuduuka mwosi muhere.

Jeremia 5:19

Lwa avandu yava vateva kigira ki ndaakola vindu yivi viosi, uvavoolere ndi, kuli vagirung'ana kutura ku inzi, nivatumikira avanyasaye vandi avageni mukivala chavo aveene, nandio valatumikira avageni mukivala kitaveeye ichaavo.”

Lisyoma lya Jeremia 1:14

“Yahova yaamanyiriza uvwoni vwitu ma navuviika harara yaavusunga mu magoti giitu vwali vuliduhu ku kunyi ligali kandi nikuva vadedekere kigira vuliduhu. Yakuviika mu makono ga vasigu viitu avaari nizinguru ligali.

Lisyoma lya Jeremia 1:3

Avandu vi Ivuyuda vahiliywi mu lihaminywa kigira uvudinyu kandi lisalira. Kalunu vamenyi hagati hi zihiiri, navuzwa si vanyoola havundu hokososera mba. Avasigu vaavo vamali kuvaguuta hagati hu vudinyu vwavo.

Lisyoma lya Jeremia 4:4

Avana vadoto vaveezaa nuvuluhu ligali, kali kuduuka zinimi ziavo zihanda muminwa jaavo. Avana vasoleri vasavaa viukulia, navuzwa si haveeye ho nu mundu unyala kuvaha mba.

Ezekieli 17:12

“Oteeve avandu vukwibaara yava ndi: munyi mwamanya lugano yilu chalovoolaa? Uvavoolere ndi, Mwami wa Babiloni yaza Jerusalemi ma navugura Mwami harara navatumikiri veve navahira Babiloni.

Ezekieli 17:3

kunangwa vaduuki kumanya aga inzi Yahova Wuvunyali mboraa kuvo: Yaliho Indizu enene ligali na mavaha malahi ligali kandi zimbaha zindambi ligali ziavambuka. Indizu yiyi yaaburuka nizia ku vigulu via Lebanoni kandi nivunaga endongozi yu musaala gwu mudaragwa,

Ezekieli 17:7

“Yaliho kandi Indizu yindi enene ligali nizimbaha zinene ligali kandi amavaha malahi amanyingi ligali. Muzabibu gwahila imiri jagwo wi indizu yaali, kandi nigirung'anyia matu gagwo kuzia wa yaali; nigusuuvira ndi indizu ilaguha mazi manyingi kuvita mazi gagwanyoola mu mulimi gwa gwasimikwa mu.

Ezekieli 23:29

Kigira vandu yava vakudunyira, valavugula vuli kindu choosi cha wanyoola kologeli lwulwo, na valakoleka umwere kandi ni chahonyo. Uvudamanu vwuvwo vulaloleka havulavu. Uvudamanu vwuvwo nu vulaya vwuvwo

Mika 2:3

Kunangwa Yahova avoora, “Saaviraa koleta kivi ku munyi, na simulakahononoke kucho mba. Muzizaa kunyooleka munyi vene mu vudinyu, maku simulagenda ni liegingira kandi mba kigira ilava ing'inga yi kivi.

Matayo 11:29

Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.

Kwidzulitsa 32:24

Valakuza kigira inzara kandi luhuuza. Valakuza kigira zinguzu ziu kutihiza. Ndatuma zinyama zinduru ziu mumulitu kuvingilira kandi zinzoka ziu vusungu vululu kuvaluma.