Kwidzulitsa 28:41 - KITABU KITAKATIFU

⁴¹ Mulivula vana avayaayi na avakaana, navuzwa ulavagotiza, kigira valahirwa ihale kuli avahambe vuvulwani.

Kwidzulitsa 28:41 Iomraidhean Croise

2 Avami 24:14

Nebukadineza yaahira avandu va Jerusalemi mu vuhambe, avayaayi vosi vi inyumba yu vwami, na vasaza aviimiliri vosi, avandu zielefu likomi. Kandi yavugula avayinziri vi limanya linene harara na vasiza na vatuli, navuzwa natigaliza inyima avandu vaali vadaka ligali mu kivala chi Ivuyuda.

2 Kyetsinyinga 28:8

Kali niiva avandu vi Ivuyuda vaali aviiko vache vaavo, liihi lia vandu va Isiraeli vagumira avakali na vana 200,000 kuli avahambe nivavahila mu kilala cha Samaria harara ni viranye vinyingi.

Isaya 65:23

Si valakola miyinzi ja vuzwa mba, kandi si valivula avana vaduuki mu kivi mba, navuzwa ndagasiza avandu vange, kandi avana harara ni visukululwi viavo valagasizwa muzing'inga ziosi ziza.

Lisyoma lya Jeremia 1:18

Avandu va Jerusalemi vavoola: “Yahova aveeye mulungi, kigira kumali kwibaala ku likuva lilie; navuzwa muhuliri munyi avandu vosi, muhenze kuvusaaliri vwitu. Avasoleri viitu kandi avakaana viitu vamali kuhirwa muvuhambe.

Lisyoma lya Jeremia 1:5

Avasigu vaavo vaguuta, vavaviiki mu zinguru ziavo. Yahova uvakoli kusalira kigira uvwoni vwavo vunyingi. Avana vaavo vamali kugumirwa nukuhirwa ihale muvuhambe.

Danyeli 1:3

Maku mwami yalaga Ashipenazi mwimiliri wa vanene veve vu mukiyaro, aleete valala ku vandu va Isiraeli, vombi kutura munyumba yu vwami kandi kutura mu inyumba yindi yoosi yu mundu munene;

Mika 1:16

Avandu vi Ivuyuda, muvege amasu ginyu mulisioma kigira vana va mwayaanza. Mwelombe iviole aveene. Kuli indizu, kigira avana vinyu valavugulwa kutura ku munye nukuhirwa mu lihaminywa.

Kwidzulitsa 28:32

Avayaayi na vakana vinyu valahaanwa kuli avatugwa kuzihiiri zing'eni muloraa. Vuli lidiku, zimoni zienyu zilahenzerera mbula muvalole ni viranaa, navuzwa sivalirana mba. Makono ginyu sigalava nu vunyali kuvasoora mba.