Kwidzulitsa 28:30 - KITABU KITAKATIFU

³⁰ “Mulahaamba vakana, navuzwa vasaza vandi valavaleeta. Mulumbaka zinyumba, navuzwa simulamenya mu mba, mulasimika vizabibu, navuzwa simulalia mazabibu gacho mba.

Kwidzulitsa 28:30 Iomraidhean Croise

2 Samweli 12:11

Nzisuha ku ivi ndi ndakora mulala kutura mu vandu vinyumba yooyo koleta uvudinyu ku ivi. Ulagalola ivi mwene lwa mbugura avakali vovo kutura ku ivi nukuvaha musaza wundi; kandi alagona navo havulavu na avandu va Isiraeli vaduuki kolola.

Ayubu 20:18

Aliranyia makuyu gologeli lwilwe goosi nigataliviywi; sialasangalira uvutugi vwivwe mba.

Ayubu 3:18

Mwene yimwo, avahambe vanyoola lielemeriza mu mirembe, kandi sivahulira mwoyo mululu gwi lidambiza lia avanene vaavo mba.

Ayubu 31:10

hene yaho Nyasaye aleke mukali wange ave mutumikiri wu musaza wundi. Kandi leka vasaza vandi vave harara naye.

Isaya 62:8

Yahova umali kwisuuha nu mukono gwigwe mulungi kandi ku zinguru zizie ndi, “Inzi si ndahaana uvuswage vwinyu kuva chukulia ku vasigu vinyu mba, kandi avageni si valanwa iwaini yinyu mba.

Jeremia 12:13

Avandu vange vaamiza ingano, navuzwa valakagese livaanze; vamali kuyinzira vudinyu, navuzwa sivanyoyeku kindu mba. Kigira vutima vwange vululu vitagwa viavo sivilakora vulahi mba.”

Jeremia 6:12

Zinyumba ziavo kandi imilimi, navakari vaavo, vilahaanwa kuvandi. Nziza kuhaana amageri ku vandu vikivala yiki.

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Lisyoma lya Jeremia 5:11

Avakali viitu vamali kwononywilwa ku kiguru cha Ziyoni chene; mu vuli kadaala twi Ivuyuda avakaana viitu vamali kunigwa kuhaana miviri jaavo.

Lisyoma lya Jeremia 5:2

Miandu jietu jiveeye mumakono ga vandu avageni; avageni vamenyi muzinyumba zietu.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Mika 6:15

Mulataga vuswage, navuzwa simulakagese, mba mulamiina nukukamula amaguta kutura mu mizeituni, navuzwa simulanyora amaguta gu kwivaka mba. Mulamiina makuyu, navuzwa simulanwa iwaini mba.

Habakuk 3:17

kali niiva misaala ja makuyu givula kulaviza kimuli, anoho makuyu gavuli kuva ku muzabibu, kali ndio mizeituni givuli kwama, kandi milimi givuli kwama vuswage, kali niiva viayo viosi via magondi vikuza, kandi vigo vivuli kuva ni mitugu,

Zefania 1:13

Vutugi vwavo vulavugulwa kandi zinyumba ziavo ziladivizwa. Sivalakamenye mu zinyumba zia vumbaka mba, anaho sivalakanwi iwaini kutura ku mizabibu jaavo ja vataga mba.’ ”

Kwidzulitsa 28:31

Zing'ombe zienyu ziliitirwa imbiri wi zimoni zienyu, navuzwa simulalia ku zinyama ziazio kali hakuzu mba zibunda zienyu zilavugulwa ku zilavugulwa kuzinguru imbiri wi zimoni zienyu, navuzwa simulilanyirwa mba. Amagondi ginyu galahevwa avasigu vinyu, navuzwa sialava ho nu mundu ogokonya mugasoole mba.