Kwidzulitsa 28:29 - KITABU KITAKATIFU

²⁹ Mulahavatiza yiyi na yiyi mbasu hagati kuli umuvoku mu kisundi, navuzwa simunyala konyoora inzira mba. Simulagaasizwa mu vindu viosi via mukora mba. Muladambizwa nu kunuurwa madiku goosi, na sihalavaho nu mundu wu kumukonya mba.

Kwidzulitsa 28:29 Iomraidhean Croise

Litanga 19:11

Maku avasaza yava vaakora vandu vaali ichova kuva avavoku, vosi avanene kuvakekeke kunangwa vavuli kolola muliango.

Nehemia 9:37

Kigira uvwoni vwitu, ligesa linyingi lie kivala yiki lizizaa ku avami va ivi wavika ku kunyi vakwamihi. Vamiiha kunyi kandi mitugu jietu, kuli vayanzi. Kunyi koveeye mu liverera linene ligali!”

Ayubu 12:25

vahavatizaa mu kisundi; kandi vagoyana kuli avandu vahambiki.

Ayubu 5:14

Kisundi kivakunikaa lwa voveeye mbasu, kandi vahavatizaa mbasu hagati kuli mu vudiku.

Kutwula 10:21

Kunangwa Yahova yavolera Musa, “Ginga mukono gugwo mwigulu, ni kisundi kenene chu kutihiza kiduuki kukunika kivala choosi cha Egebeti.”

Isaya 59:10

Kuhavatizaa yiyi niyiyi ukwenyeleriza lidigi kuli avavoku; kuhavatizaa vuzwa kuli yavo avatali nizimoni. Kwikigatira mbasu hagati kuli koveeye mu vudiku, kuli koveeye mukivala chikisundi cha vakuzu.

Jeremia 9:19

Hulira ilihulirika lielilira mu Ziyoni, “Kwadivizwa! Koveeye muzisoni ligali! Kuduuka kutuli mukivala chiitu; zinyumba zietu zimali kusambulwa.”

Lisyoma lya Jeremia 4:14

Kalunu avatumikiri vaavo vagendagenda mu zinzira kuli avavoku. Vayoneka kigira masahi gavatahiza, na mundu si anyala kwisunda ahimbi nukuvagumira mba.

Lisyoma lya Jeremia 5:17

Kigira yaga mioyo jiitu jiveeye midedekere; kigira ivindu yivi zimoni zietu zizengeye.

Lisyoma lya Jeremia 5:8

Avatugwa vakwamihaa; siaveeye ho kali mulala unyala kokohonyia kutura kuzinguru ziavo mba.

Zefania 1:17

Yahova avoora, “Ndakaleete kivi ku vandu vosi, maku valakahunahuni kuli avavoku, kigira vamali kongolera vwoni. Kalunu masahi gaavo galakasundulwi kuli amazi kandi miviri jaavo mikuzu jilakagundiri ku marova.”

Vikolwa 21:24

Uzie harara navo kandi wiyungi navo mu muruka gwi lietakasa, kandi uvatungiri mitungu jenyekaa vaduuki kovegwa amasu gaavo. Munzira yiyi valamanya ndi sigaveeye gi ligali ga vamali kovolerwa mba, navuzwa ivi mwene omenya kolondekana ni Lilaga lia Musa.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Kwidzulitsa 28:28

Yahova alaleeta ku munyi vulalu kandi vovoku kandi alagoyanyia zing'anagani zienyu.

Vakalagi 10:8

Ku mihiga komi na nane vadambiza vandu va Isiraeli ligali avaamenyaa mu kivala cha vandu va Amori ivugwi wu mugera gwa Jorodani mu Gileadi.

Vakalagi 13:1

Avandu va Isiraeli vaakora vwoni imbiri wa Yahova, na Yahova yaleka vandu va Filisitia kuvamiiha ku mihiga arubaini.

Vakalagi 3:14

Egiloni yamiha vandu va Isiraeli ku mihiga likomi na munane.