Kwidzulitsa 28:25 - KITABU KITAKATIFU

²⁵ “Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:25 Iomraidhean Croise

1 Avami 8:33

“Lwa vandu vovo Isiraeli vaguutwa na vasigu vaavo kigira vamali kokora uvwoni, ma kandi lwa vagirung'ana ku ivi na vaza mu Litembeli yili, nivakugonyaa nu mwoyo gwosi vasamiifwi,

2 Kyetsinyinga 28:8

Kali niiva avandu vi Ivuyuda vaali aviiko vache vaavo, liihi lia vandu va Isiraeli vagumira avakali na vana 200,000 kuli avahambe nivavahila mu kilala cha Samaria harara ni viranye vinyingi.

2 Kyetsinyinga 29:8

Kigira yaga, Yahova umali kuvihilirwa avandu vi Ivuyuda na Jerusalemi, na agaamali kuvakolera, gaveeye agu kutihiza ligali ku vuli mundu. Munyi mumanyi vulahi ligali.

2 Kyetsinyinga 6:24

“Lwa vandu vovo Isiraeli vaguutwa na vasigu vaavo kigira vamali kukokolera uvwoni, ma kandi lwa vagirung'ana ku ivi ma nivazia mu Litembeli yili, kusaala uvasamihi,

Isaya 30:17

Avandu 1,000 ku munyi valiruka zimbiru ligali lwa valora musikari mulala musigu, kandi avasikari 5 vuzwa valamuloomba mwosi kwiruka zimbiru ligali; kali mulala sialatigala ku vandu viliihi lienyu, nigataveeye musaala gwembendera gweng'ine kusonga yi kiguru!

Jeremia 19:7

Havundu hano, ndononyia lilohiza liosi lia avandu vi Ivuyuda na Jerusalemi. Ndakaleke avasigu vaavo vavaguuti nukuvitira muvulwani. Ndakahaane miviri jiavo mikuzu ku amanyonyi kandi zinyama ziumbulimu kuli chukulia.

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 34:17

Kunangwa kalunu, Inzi, Yahova, mboraa ndi munyi simwatia inzi mba: Simwavoholola vandu va Isiraeli vache vinyu mba. Nivulahi, nitali inzi ndamuha ovovoholore vwavo mba. Nivulahi, nitali inzi ndamuha ovovoholore: Ovovoholore kukuzira muvulwani, nuvulwaye kandi ninzara. Ndakora vuli ihiiri mulirova kuva nuvuti vonene ligali kuli agamungolera.

Ezekieli 23:46

Yaga nigo ga Yahova Wuvunyali avoora, “Ndaleta muganda gwa vandu kutihiza vakali yava kandi kuvanura.

Hosea 8:3

vamala kusuura agaveeye malahi. Kigira yaga avasigu vaavo valavakunga.

Kyavalevi 26:17

Ndamugirung'ana kunangwa muguutwi kandi yavo vamudunyira valamwamiiha. Mulatihizwa ligali na muliruka lwa hataveeye ho nu umundu umukunga.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Kwidzulitsa 28:7

“Yahova alaguuta avasigu vovo lwa vakwingilira kutura lovega lulala, navuzwa viiruki kutura mu zimbega saba.

Kwidzulitsa 32:30

Mundu mulala anyala ndi kuguuta avandu elefu ndala? Anoho avandu vaviri vanyara ndi kuguuta avandu zielefu likomi? Yahova Nyasaye wavo umali kuvaleka; Nyasaye wi zinguru wavo umali kuvaleka.

Joshua 7:4

Kunangwa, ahimbi vandu va Isiraeli zielefu zivaga vazia kulwaana, navuzwa vanigwa ukwirana inyima niviruka.

Vakalagi 2:14

Kunangwa Yahova yaali nu vutima ovonene ligali ku Isiraeli, na yavahana mu makono ga vanuuri avavanuula. Yaleka avasigu vaavo vosi ahimbi navo kuvavita ni zinguru, na ndio vandu va Isiraeli vadaka kuli vanyara kwikinga aveene.

1 Samweli 4:10

Kunangwa Avafilisitia valwaana vudinyu kandi nivaguuta avandu va Isiraeli, niviruka samulala kuduuka mu zingo ziavo. Liitwa liali linene ligali kuvita; Avasikari va Isiraeli zielefu salasini viitwa.