Kwidzulitsa 28:13 - KITABU KITAKATIFU

¹³ Yahova Nyasaye winyu alamukola aviimiliri hagati hi zihiiri na simulava valondi vaavo mba. Mulava nilizizagilira imbiri kazozo, na simulava nu vudaka niiva mulamuhulira nu vusuuvirifu amalago geege goosi aga muheezaa kalunu.

Kwidzulitsa 28:13 Iomraidhean Croise

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Jeremia 31:7

Yahova avoora, “Mwimbi nuvusangali ku Isiraeli, ihiiri eveeye enene ligali mu ziosi. Mwimbi lwimbu lwinyu lwi lizominya kovora, ‘Yahova amali kohonyia avandu veve; amali kosoola yavo vosi avatigara.’

Kwidzulitsa 15:6

Yahova Nyasaye winyu alamugasiza, kuli amali kumusuuviriza. Mulegobiza amabesa ku zihiiri zinyingi, navuzwa munyi aveene simulegoba amabesa kutura kuvo mba. Mulamiiha zihiiri zinyingi, navuzwa sihaveeye ho ni hiiri kali ndala iyamiiha munyi mba.

Kwidzulitsa 26:19

Alakamukole muve avanene kuvita ihiiri yindi yoosi ya yalomba, kandi mulahaana lisandiza nu luyali ku lieta lilie. Mulava avandu veve, kuli yamusuuviriza.”

Kwidzulitsa 28:1

“Niiva mulahulira ligali mwoyo gwa Yahova Nyasaye winyu, nukulinda nu vusuuvirifu malago geege aga muheezaa kalunu, Yahova alamuginga higulu muve ihiiri enene ligali kuvita zihiiri zindi ziosi ku lirova.

Kwidzulitsa 28:43

“Avageni avamenyaa hagati hinyu valanyora zinguru ligali zinyingi kumuvita, navuzwa munyi mulazizagilira kogotiza zinguru zienyu.

Kwidzulitsa 28:44

Valava na mabese kumwegobiza, navuzwa munyi simulavegobiza mabesa mba. Valava aviimiliri, navuzwa munyi mulava avalondi vaavo.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.