Kwidzulitsa 28:1 - KITABU KITAKATIFU

¹ “Niiva mulahulira ligali mwoyo gwa Yahova Nyasaye winyu, nukulinda nu vusuuvirifu malago geege aga muheezaa kalunu, Yahova alamuginga higulu muve ihiiri enene ligali kuvita zihiiri zindi ziosi ku lirova.

Kwidzulitsa 28:1 Iomraidhean Croise

1 Kyetsinyinga 14:2

Kunangwa Daudi yamanya ndi Yahova umali kumusingiriza ave mwami wa Isiraeli, kandi yaali nalomba uvwami vwivwe kugasizwa ligali kulwa avandu veve va Isiraeli.

Zaburi 106:3

Vaveeye nuvugasu avahulira amalago geege; kandi avakolaa agaveeye malungi kazozo.

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 119:128

kunangwa inzi nonda amigizu googo goosi, kandi ndunyiraa uvudamanu vwizing'ano ziosi.

Zaburi 119:6

Niiva ngumira malago googo goosi, sindaviikwa mu zisoni mba.

Zaburi 148:14

Amali kuha ihiiri yeeye zinguru, kunangwa avandu veve vosi vatakatifu vaduuki kumwizominya Avandu va Isiraeli vaveeye avayaanze ligali kuye. Mwizominye Yahova!

Zaburi 91:14

Nyasaye avoora, “Ndahonyia yavo avayaanzaa, kandi ndakinga yavo avambugiliraa kuli Yahova.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 23:22

Navuzwa niiva mumuhulira na mukore vindu viosi viamulagaa, Inzi ndamulwanira avasigu vinyu vosi.

Kutwula 23:25

Niiva mulasigamira inzi, Yahova Nyasaye winyu ndamugasiza ni viukulia kandi amazi, kandi ndatuliza uvulwaye vwinyu vwosi ku munyi.

Isaya 1:19

Niiva muratia inzi, mulalia vindu vilahi vie kivala.

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Jeremia 11:4

Ni lilagana lia ndalomba na avaguuga vaavo lwa ndaatuliza kutura mukivala cha Egebeti; kivala chaali kuli kisambiru chi vivia kuvo. Ndaavavoolera vatie inzi kandi vakole vuli kindu cha ndaavalaga. Ndavavolera ndi, niiva valatia inzi, valava avandu vange, na inzi ndava Nyasaye wavo.

Jeremia 12:16

Niiva valavugilira idini yavandu vange nu mwoyo mulala nukwisuha, ‘Kuli Yahova aveeye mwoyo’ - kuli mulitanga vigiza avandu vange kwisuha ku Baali - lwene yilwo valakave avalala kuavandu vange kandi valakagasizwi.

Jeremia 17:24

“Volera avandu yava ndi, gavadukiraa vatie amalago gange goosi. Vatageriza kuginga musigo gwosi kuvitira mu virivwa vie lidaala linene ku lidiku lie Lisabato mba. Gavadukiraa valikole kuva Lidiku Litakatifu kandi vatakola muyinzi gwosi kali hakuzu mba.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Luka 11:28

Yeso yamutivulira, “Yee, navuzwa vaveeye nuvugasu ligali kuvita, avahulira likuva lia Nyasaye, ma valilonda.”

Luka 9:48

Yavavolera; “Ku vosi ulingiriza mwana mukekeeke uyu kigira lieta liange, yingirizaa inzi. Ku vosi ulingiriza inzi kandi, yingirizaa uyu uwanduma. Oveeye mukekeeke ku munyi vosi, uyu niyie oveeye munene.”

Yohana 15:14

Munyi muveeye avalina vange nimukora vindu via mulagaa.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Kwidzulitsa 11:13

“Kunangwa huliri malago ga inzi mali kumuha kalunu. Muyanze Yahova Nyasaye winyu kandi mumutumikiri nimioyo jinyu josi kandi na roho jinyu josi.

Kwidzulitsa 11:27

uvugasu niiva mulahulira malago ga Yahova Nyasaye winyu, aga muheezaa kalunu;

Kwidzulitsa 15:5

Niiva mulahulira Yahova Nyasaye winyu, kandi nimugumira vulahi vindu viosi viamulagaa kalunu.

Kwidzulitsa 26:18

Kalunu Yahova umali kumuvugilira kuli avandu veve, kuli yamusuuviriza; kandi mulagaa muhuliri amalago geege goosi.

Kwidzulitsa 26:19

Alakamukole muve avanene kuvita ihiiri yindi yoosi ya yalomba, kandi mulahaana lisandiza nu luyali ku lieta lilie. Mulava avandu veve, kuli yamusuuviriza.”

Kwidzulitsa 28:13

Yahova Nyasaye winyu alamukola aviimiliri hagati hi zihiiri na simulava valondi vaavo mba. Mulava nilizizagilira imbiri kazozo, na simulava nu vudaka niiva mulamuhulira nu vusuuvirifu amalago geege goosi aga muheezaa kalunu.