Kwidzulitsa 27:26 - KITABU KITAKATIFU

²⁶ “ ‘Alaamwe oyo uvula kuhulira amalago na amigizu goosi ga Nyasaye.’ “Avandu vosi valavoora, ‘Amini!’

Kwidzulitsa 27:26 Iomraidhean Croise

2 Avami 22:13

“Muzie mundeevere Yahova kandi mutevere avandu vosi vi Ivuyuda kigira miigizu gi kitabu yiki kimali konyooleka. Yahova aveeye nu vutima vonene na kunyi kigira avaguuga viitu sivakora amakuva gi kitabu yiki kevoolaa vakole mba. Sivakora kulondekana na makuva goosi agang'odwa mu kitabu yiki ku kunyi mba.”

Ezara 7:26

Niiva umundu kali mulala si alatia malago ga Nyasaye woovo anoho malago gu mwami, oleke akalagirwi vwangu ku likuza anoho ahaminywi anoho imiandu jije jivugulwi anoho avikwi mu vuhambe.”

Zaburi 119:21

Ivi ogondokera avigingiri; leka yavo avatahuliraa malago googo valaamwe.

Ezekieli 18:24

“Navuzwa lwu mundu mulungi aleka kokora uvulungi na akole uvwoni vwa vandu vadamanu vakora, mundu uyu alamenya? Awa! Uvulahi kandi uvulungi vwivwe vwa yakola si ndizuliza kandi mba. Alakuza kigira umali kokora uvugadi kandi kigira uvwoni vwa mali kokora.

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Varumi 10:5

Musa yang'oda kigira likolwa mulungi ku lihulira Lilaga, ndi, “Mundu uhulira amalago gi Lilaga, alava mwoyo.”

1 Vakorintho 16:22

Ku vosi mundu natayaanza Umwami, alaamwe. Umwami wiitu hamba!

2 Vakorintho 3:9

Niiva vutumiki vukalagilaa vandu voveeye nu vukumi, vutumiki voletaa vulungi vulava nu vukumi vonene ligali.

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’