Kwidzulitsa 27:15 - KITABU KITAKATIFU

¹⁵ “ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Kwidzulitsa 27:15 Iomraidhean Croise

Litanga 31:19

Lwa Labani yaali naziiyi kukalaga vwoya vwa magondi geege, Raheli yiva avanyasaye vi inyumba ya baba weve.

Litanga 31:34

Raheli yaali navuguyi avanyasaye va Labani navavisi isi mu vwikaliru vwi ing'amia ma yaali niyikaye kucho. Labani yenyeleriza mu lihema liosi, navuzwa si yavanyoola mba.

Litanga 9:25

Yavoola, “Kilaamo keve ku Kanaani! Alakave mutugwa ku avamwavo veve.

2 Avami 17:19

Kali avandu vi Ivuyuda sivahulira amalago ga Yahova Nyasaye wavo; navuzwa vakora miima ja vandu va Isiraeli.

2 Avami 23:13

Mwami yononyia uvwali vwosi vwa Solomoni yaali ni yumbaka ivugwi wa Jerusalemi, isavaalu wi kiguru cha Muzeituni, kigira lisigamira lie misambwa ju kuvihiliriza, Asitarite munyasaye wikikali wa Sidoni, Kemoshi munyasaye wa Moabu, kandi Moleki, munyasaye wa Amoni.

1 Kyetsinyinga 16:36

Mwizominye Yahova, Nyasaye wa Isiraeli! Mwizominye Yahova lero kandi mihiga ni mihiga! Maku avandu vosi vizominya Yahova, vavoola, “Amini” nivizominya Yahova.

2 Kyetsinyinga 33:2

Yakola agaali gu vwoni imbiri wa Yahova, kolonda likora liu kuvihiliriza lie zihiiri zia Yahova yakunga kutura mu kivala imbiri wa vandu va Isiraeli.

Kutwula 20:23

Mutelombera avanyasaye vi izahabu anoho vizifeza vave viukusigamirwa komeeda ku inzi mba.

Kutwula 20:4

“Mutelomberi vifananyi vie kindu choosi mwiligulu anoho chuku lirova, anoho chu mumazi musi mwi lirova mba.

Kutwula 34:17

“Mutelomberi avanyasaye vimigasa kandi kuvasigamira mba.

Isaya 44:13

Umuvazi agelaa lubaho numugoye. Akekolaa umufano gwi kindu cha yenya kuvaaza, ma akivaaza ni viju vivie nokokelomba mu lifana liu mundu, mu lifana liu mundu mulahi wukuyaanziza ma akiviika munyumba yeye.

Isaya 44:17

Kedonye kitigaye akelombaa kifananyi, maku yinamira kifananyi zana nukukisigamira. Asaalaa kucho nokovoora, “Ivi oveeye nyasaye wange, ombonyie!”

Isaya 44:19

Mulombi wi vifananyi sianyala kwizuliza nukuganagana, anoho novogeri vwo kovora, “Ndasaamba kedonye chu musaala yigu. Ndaalomba mugadi nekedonye kindi kandi nisambira inyama ningilia. Ndaalomba kifananyi ku musaala gwatigala. Nguyu sigamira kisala chavazwa! Ekeveeye livihilirizwa!”

Jeremia 11:3

Inzi Yahova Nyasaye wa avandu va Isiraeli, mali kuviika kilaamo ku mundu woosi uvula kutia amakuva gi lilagana yili.

Jeremia 11:5

Hene yaho, ndaduukiza lilagana lia ndaalomba na avaguuga vaavo ndi: ndakavahe uvutugi kandi kivala kigunamu cha vamenyi mu kalunu.” Inzi Jeremia ndaavoora, “Yee Yahova.”

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Jeremia 28:6

“Amini Yahova akole ndio. Yahova akole amakuva gu voporofeti vuvwo kuva giligali, kandi yiranyie hano mavikiru gu mu Litembeli ga yaahira Babiloni, harara na avandu vosi avaaziayo mu lihaminywa.

Ezekieli 14:4

“Kalunu, molomaa kuvo na uvavoolere aga Inzi, Yahova Wuvunyali mboraa kuvo: Vuli mundu woosi ku vandu va Isiraeli umali kuviika mwoyo gwigwe ku vifananyi nokoleka vamwimiliri mu likora uvwoni, maku vaza koteeva zing'anagani kutura ku vaporofeti, valanyora mativuli kutura ku inzi; galava mativuli gi vifananyi vivie vinyingi viduukana vinyoole!

Ezekieli 7:20

Maziambiri velola kigira magina gaavo guvuguli, navuzwa vaagatumikila kolomba vifananyi viukuvihiliriza. Kulwayago inzi ndavikola kuva ivindu kitaveeye vinifu kuvo.

Danyeli 11:31

Valala ku vasikari veve valakononyie Litembeli. Valakasingilizi visiuviliru via vuli lidiku nu kuviika ho kindu kidamanu ligali keletaa lidiviza.

Danyeli 9:11

Avandu va Isiraeli vosi vaavunaga malago googo kandi vasuura kuhulira aga wavoola. Wavika ku kunyi kilaamo cha ng'odwa mu malago ga Musa mutumikiri woovo kigira kwamala kokora uvwoni.

Kyavalevi 19:4

“Mutagirung'ana kuzia kusigamira vifananyi mba, kandi mutelomberi avanyasaye ku vivia nukuvisigamira mba. Inzi mbeeye Yahova, Nyasaye winyu.

Kyavalevi 26:1

Yahova yavoola, “Mutelomberi ivifanayi, anoho kusingiliza vifananyi vialongwa, anoho zitiru ziamagina anoho magina gavazwa kuvisigamira mba. Inzi mbeeye Yahova Nyasaye winyu.

Livalidza 5:22

Mazi yaga gayaanze gazie munda mumwo ma gakole inda yooyo ivimbi kandi vukali vuvwo vuniale.” Maku mukali uyu alavoora, “Inzi mali kuvugilira, Yahova ayaanze akole ndio.”

Matayo 24:15

“ Lwa mulilora “Kindu kidamanu ligali keleetaa lidiviza” lia mu muporofeti Danieli yavoola nasingiyi Havundu Hatakatifu, hene yaho osomanga amanye.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

1 Vakorintho 14:16

Lwa uhaanaa lisandiza ku Nyasaye mu Roho yenyine vuzwa, umundu utamanyi makuva ga roho, naye aveeye mu livugana yilio, yakavoola ndi “Amini” ku lisaala liilio lie lizominya? Sianyala kumanya cha ovola mba.

Kwidzulitsa 27:14

Avandu vi ihiiri ya Levi valamoloma makuva yaga ku avandu vosi va Isiraeli nu mwoyo munene.

Kwidzulitsa 29:17

Mwalora hagati haavo vifananyi viu kuvihiliriza viavo vialombwa kutura ku misaala, magina, ifeza kandi izahabu.

Kwidzulitsa 4:25

“Kali lwa muliiva nimwakamenya mukivala zana ku ing'inga indambi, nokwivula avana na aviisukulu, mutakola uvwoni ku lielombera munyi aveene kifananyi chavazwa mu lifaana lie kindu choosi mba. Yaga gaveeye madamanu imbiri wa Yahova Nyasaye winyu kandi galamuvihiliriza.

Kwidzulitsa 5:8

“ Mutelomberi vifananyi viavazwa vie lifaana lie vindu viosi mu ligulu anoho ku lirova, anoho mazi anoho musi mu lirova.

Kwidzulitsa 7:25

Musaambe vifananyi viavazwa viosi. Mutakayirwa ifeza anoho izahabu eveeye kuvio mba, anoho kuvivugula vive vienyu mba, Yahova Nyasaye winyu avihilirwa vifananyi.

Vakalagi 17:3

Yiranyia amabese zana ku mama weve, na mama weve yavoola, “Kwigalira ikilaamo kivuli kolonda muyaayi wange, kuduuka Inzi mwene mbane amabese yaga ku Yahova. Na galatumika kolomba kifananyi chukuvazwa ni chavakwa ifeza. Kalunu ndakwiranyira vidonye vie ifeza yeyo.”

Vakalagi 17:4

Lwa yiranyira mama weve amabese, mama weve yavugula vidonye mia mbiri vie ifeza, nahaana ku muturi wi vivia naye nalomba kifananyi chukuvazwa ni kivakwa ifeza. Kifananyi zana chaviikwa mu nyumba ya Mika.

1 Samweli 26:19

Mwami munene wange, huliriza ku cha nyenya mbore? Niiva ni Yahova okoli ivi unzikiruki, ikihaanwa kuye kilamukola agirung'anyie zing'anagani zizie; navuzwa niiva na vandu vakoli yaga, kilaamo cha Yahova kivagwiri. Kigira vamali kungunga kutura mu kivala cha Yahova kuzia mu kivala uwa inzi nyara vuzwa kusigamira vanyasaye vageni