Kwidzulitsa 26:8 - KITABU KITAKATIFU

⁸ Kuzinguru zizie zinene kandi zinguru ziu kulwaana, yakohonyia kutura Egebeti. Yakola vilolekizu niviokogenyia, kandi naakora vindu viukutihiza.

Kwidzulitsa 26:8 Iomraidhean Croise

Kutwula 12:37

Avandu va Isiraeli vatanga logendo kutura Ramesesi nivahenzi kuzia Sokozi. Vaali ahimbi avandu vasaza vaduuka zielefu mia sita vugira kuvaliza avakali na avana.

Kutwula 12:41

Lidiku liu kumalirika lie mihiga 430, zihiiri ziosi zia avandu va Yahova ziatula mu kivala cha Egebeti.

Kutwula 12:51

Ku lidiku yilio Yahova yaatuliza avandu va Isiraeli kutura Egebeti mu miganda jaavo.

Kutwula 13:3

Musa yavolera avandu, “Mwizurizi lidiku yili lia mwatula mu Egebeti, wa mwaali avatugwa. Yili nilidiku lia Yahova yaamutuliza yo nizinguru zizie zinene. Mutalia mugadi gwa mamera mba.

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Jeremia 32:21

Ivi waleeta avandu vovo Isiraeli kutura mukivala cha Egebeti ni vilolekizu kandi ni viokogenyia, mu zinguru zizio zinene ligali kandi ku vunyali vuvwo.

Kwidzulitsa 34:11

Muporofeti wundi akikiri kokolaku vilolekizu ni viokogenyia kuli yivio via Yahova yatuma Musa akole ku Mwami wa Egebeti mba, vatumikiri veve kandi mu kivala choosi mba.

Kwidzulitsa 34:12

Muporofeti wundi akikiri kuvakuho wakola vindu vinene ni iviukutihiza kuli via Musa yakola imbiri wa avandu va Isiraeli vosi mba.

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

Kwidzulitsa 5:15

Mwizurizi ndi mwaali vatugwa mu Egebeti, ma kandi, Inzi, Yahova Nyasaye winyu, ndaamuhonyia kutura yo ni zinguru ziange zinene. Yiki nicho kigira nimugulaga mulindi lidiku lie Lisabato.