Kwidzulitsa 26:5 - KITABU KITAKATIFU

⁵ Kunangwa imbiri wa Yahova mulavoola makuva yaga, ‘Guuga wiitu yaali mugendagendi vuzwa, uwahila vandu vinyumba yeeye Egebeti vamenye yo. Vaali vakekeeke lwa vazia yo, navuzwa vaagwa ihiiri enene kandi yi zinguru ligali.

Kwidzulitsa 26:5 Iomraidhean Croise

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 24:4

Navuzwa ulazia mukivala change cha ndivulwa mu ma otovolere muyaayi wange Isaka mukali kutura mu viko vange.”

Litanga 25:20

Isaka yaali ni mihiga 40 lwa yaleeta Rabeka mukaana wa Bezueli umundu kutura Arama mukivala cha Mesopotamia kandi mbozo Labani.

Litanga 27:41

Maku Esau yaduunyira Yakobo amwavo weve, kigira baba weve yaali naamugasizi. Yaganagana ndi, “Ing'inga yu kusiomera likuza lia baba wange eveeye ahimbi; maku inzi ndakiti Yakobo.”

Litanga 28:5

Isaka yatuma Yakobo kuzia Mesopotamia wa Labani, uwaali muyaayi wa Bezueli kutura mukivala cha Arameyani. Labani yaali mbozo Rabeka, uwaali mama Yakobo na Esau.

Litanga 31:20

Yakobo yagada Labani ndi si yaali ni lienya kwiruka mba.

Litanga 31:24

Nyasaye yaloleka ku Labani mu maloto vudiku namuvolera, “Uhenze vulahi, utatiihiza Yakobo mba.”

Litanga 31:40

Haali kanyingi ndaali mu mulinyangana kigira luya lunyingi mu ing'inga yu muvasu, kandi vukindu vunyingi mu ing'inga yu vudiku. Si ndagonaku zindolo kali hakuzu mba.

Litanga 43:12

Ugingi mabese haali kaviri, kigira kuduuka wiranyie mabese gaali mumisigo jiinyu. Hawundi kindu kidamanu chayekoleka.

Litanga 45:11

Inzi ndamulinda lwa muva nimumenyi mukivala cha Gosheni. Inzara ilavaho ku mihiga jitano; na si nyenya munyi harara na vana vinyu kandi viayo via magondi, zimburi kandi zing'ombe zienyu, kandi vindu vindi viosi via muveeye navio vidivi kigira inzara mba.’ ”

Litanga 45:7

Nyasaye yanduma imbiri winyu nduuki kosola munyi avatigara ku lirova, kandi nduuki kohonyia visukululwi vienyu.

Litanga 46:27

Josefu yanyoora avayaayi vaviri mu Egebeti; vosi harara vaali avandu 70 avinyumba ya Yakobo avaazia mu Egebeti.

Litanga 47:27

Avandu va Isiraeli vamenya mu Egebeti mukivala cha Gosheni uwa vamanya nivagwa avatugi kandi nivanyoora avana vanyingi.

Litanga 47:4

Kunyi kumali kuza komenya mukivala yiki, kigira inzara eveeye inyingi mukivala cha Kanaani mitugu jiitu jivula vwayiru. Mwaza nuyanza ukuvugiliri komenye mukivala cha Gosheni.”

Kutwula 1:12

Navuzwa kali niiva vandu va Egebeti vameeda kudambiza vandu va Isiraeli, nilwo lwa vandu va Isiraeli vameedeka kuva vanyingi mu kivala. Kunangwa vandu va Egebeti vaatia vandu va Isiraeli ligali.

Kutwula 1:5

Visukululwi via Yakobo viosi vaali 70; Muyaayi weve Josefu yaali naveeye mu Egebeti.

Kutwula 1:7

Navuzwa vandu va Isiraeli viivulana nivagwa avanyingi ligali, kandi vizingulu ligali ma niviizura mu kivala cha Egebeti.

Hosea 12:12

Guuga wiitu Yakobo yiruka nazia Mesopotamia, uwa yakolera wundi mundu miyinzi jukulinda magondi geege kunangwa anyoore mukali.

Hosea 12:13

Yahova yatuma muporofeti kuzia kosoola avandu va Isiraeli kutura muvutumwa mu kivala cha Egebeti kandi nukuvalinda.

Vikolwa 7:15

Yakobo yazia Egebeti; uwa yakuzira harara na avaguuga viitu vandi.

Kwidzulitsa 1:10

Yahova Nyasaye winyu umali kokora munyi kuva avanyingi. Kalunu mumali kuva avanyingi ligali kuli zing'ereng'ani ziu mwigulu.

Kwidzulitsa 10:22

Lwa avaguuga vinyu vazia Egebeti, vaali vuzwa avandu sabwini. Navuzwa kalunu, Yahova Nyasaye winyu yamukola kuva avanyingi kuli zing'ereng'ani mu vwerefu.

Kwidzulitsa 26:4

“Musaalisi alavugula kihinda kutura ku ivi na akiviiki ku vwali vwa Yahova Nyasaye winyu.

Kwidzulitsa 7:7

“Yahova siyayaanza munyi kandi siyatovola munyi kigira mwavita avandu vi zihiiri zindi novunyingi mba. Nitali mwaali ihiiri engekeeke ligali ku lirova.