Kwidzulitsa 24:19 - KITABU KITAKATIFU

¹⁹ “Lwa muva nimugesaa viukulia mu milimi jinyu kandi mwivilire viganda viuvuswage via mugesi, mutirani kuvivugula mba, muvileke kigira avageni, avavisandu anoho avakunzakali; kunangwa Yahova Nyasaye winyu aduuki kumugasiza mu miyinzi jamakono ginyu josi.

Kwidzulitsa 24:19 Iomraidhean Croise

Ayubu 42:12

Yahova yagasiza Ayubu mu keheri chi livamwoyo lilie kali kuvita lwa yaali ni yamugasiza mu litanga. Ayubu yaali na magondi zielefu likomi na gane, zing'amia zielefu sita, zing'ombe ziokulima zielefu ziviri, ni zisukiri elefu indala.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Tsing'ano 14:21

Mundu uchayaa mutende weve akolaa uvwoni, navuzwa aveeye nu vugasu oyo oveeye nizimbavasi ku vadaka.

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Isaya 32:8

Navuzwa mundu wuluyali akolaa vindu nu vusuuvirifu, kandi aveeye muduukiru mu vindu viu vulungi.

Kyavalevi 23:22

“Lwa mugesa milimi jinyu, mutagesa vuswage voveeye ku zinzako zie milimi mba kandi mutilani kogesa vinywa viamavere vitigaye munyima mba. “Mulekere vadaka navageni. Yahova aveeye Nyasaye winyu.”

Luka 6:35

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Luka 6:38

Muhaane ku avandi, kunangwa munyi muhevwe na Nyasaye. Yee, ligali mulanyola kegero kilahi chi gatiywi nukusung'uswa kuduuka kulisalika kilakaviikwi mu makono ginyu. Kigira kegero cha mutumikiraa kogerera mu avandi nicho cha Nyasaye alitumikira kumugerera.”

Kwidzulitsa 14:29

Chukulia yiki keveeye cha vandu vinyumba ya Levi vosi, kigira sivaveeye ni kidieli anoho miandu jaavo aveene mba, kandi cha avageni, avavisandu, kandi avakunzakali avamenyi mu madaala ginyu. Kuduuka vaze vavuguli choosi cha venya. Mukore ndio, na Yahova Nyasaye winyu aduuki kumugaasiza mu viosi via mukora.

Kwidzulitsa 15:10

Muhaane kuye nuvuhaani vwosi vugira vwimani, na Yahova alamugasiza mu vindu viosi via mukora.

Kwidzulitsa 24:18

Mwizurizi kumanya ndi mwaali avatugwa mu Egebeti, kandi Yahova Nyasaye winyu yamuvoholora kutura yo. Yicho nicho kigira nimuha lilaga yili.

Kwidzulitsa 26:13

Muvoore ku Yahova, ‘Sikitigaye ku chukulia kitakatifu chi kidieli, munyumba yitu mba. Kumali kukihaana ku vandu vihiiri ya Levi, avageni, avavisandu navakunzakali, kuli wakulaga kokole. Sikutinguhi anoho kwiviliyi lilala ku malago galondekanaa ni kidieli mba.

Ruth 2:16

Kandi mutulizi vikekeke mu viavofwa, muleke avidoole, mutamugaya mba.”

Ruth 2:2

Lidiku lilala Ruzi yavolera Naomi, “Leka nzie mu mulimi ndoore ingano elekeywi nonde avayinziri vagesi. Mbeeye nilisuvira ndanyoora mulala wi zimbavasi uvugilira mulonde inyima.” Naomi ya muvooleraa, “Zia, okole ndio mukaana wange.”