Kwidzulitsa 24:16 - KITABU KITAKATIFU

¹⁶ “Aviivuli vatiitwa kigira uvwoni vokolwa na avana vaavo mba, kandi avana vatiitwa kigira uvwoni vokolwa na aviivuli vaavo mba. Mundu yiitwi vuzwa kigira vwoni vwa oyo umwene amali kokora.

Kwidzulitsa 24:16 Iomraidhean Croise

2 Kyetsinyinga 25:4

Navuzwa si yita avana vaavo mba, navuzwa yalonda lilaga lia Yahova yalaga mu malago ga Musa: “Aviivuli si valitwa kigira uvwoni vwa avana vaavo mba, anoho avaana sivaliitwa kigira uvwoni vwa viivuli vaavo mba, navuzwa mundu sa mulala aliitwa kigira uvwoni vwivwe umwene.”

Ezekieli 18:20

Mundu okolaa uvwoni alakuza. Mwana sialasalira kigira uvwoni vwa baba weve mba, anoho baba sialasalira kigira uvwoni vwu mwana weve mba. Mundu mulungi alanyoola madanyi ku likora uvulungi, kandi mundu mudamanu alasalira kigira uvudamanu vwakolaa.

Ezekieli 18:4

Henza, avandu vosi vaveeye avange, avababa kandi avana vosi vaveeye avange. Mundu okolaa uvwoni niyie ulikuza.

Danyeli 6:24

Maku mwami yahaana malago vandu vosi vayaala Danieli vagumirwi kandi vasiuvwi harara na vakali vaavo na vana vaavo mu luhangaywa lwizura zisimba. Lwa vaali ni vakikiri kotonya mu luhangaywa, zisimba ziavamamira kandi nizivunanyia vigumba viavo viosi.

Livalidza 26:11

Navuzwa avayaayi va Kora sivitwa mba.

1 Samweli 22:16

Mwami yavoola, “Ahimeleki, ivi na viiko voko vosi kuduuka mukuze.”