Kwidzulitsa 23:5 - KITABU KITAKATIFU

⁵ Navuzwa Yahova Nyasaye winyu siyaali anyala kuhuliriza Baalamu mba; mu vogono yivwo yagirung'anyia kilaamo zana nikigwa ligasizwa kigira yamuyanza.

Kwidzulitsa 23:5 Iomraidhean Croise

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

Nehemia 13:2

Kivuni chaali ndi avandu va Amoni na Moabu sivahaana ichukulia na mazi ku avandu va Isiraeli lwa vaali kologendo lwavo kutura Egebeti mba. Mu vogono yivwo vaatunga Balaamu amabese ukulama Isiraeli, navuzwa Nyasaye wiitu yagirung'anyia kilaamo zana kuva vugasu.

Zaburi 73:1

Nyasaye aveeye mulahi ligali ku vandu veve, Isiraeli, ku yavo avaveeye avanifu mu mioyo.

Tsing'ano 26:2

Vilaamo sivinyala kukusaliriza niiva siuduukiraa ulaamwe mba, gaveeye kuli manyonyi gilitonderizi ni iminyi gaaburukaa kandi sigagwizaa mba.

Jeremia 31:3

Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Mika 6:5

O, avandu vange, mwizurizi agu mwami Balaki wi kivala cha Moabu yaganagana kumukolera kandi kuli Balaamu muyaayi wa Beori yamutivulira. Mwizurizi ivindu viakoreka kulogendo kutura mu hokososa ha Akakia kuzia mu Giligali. Mwizurizi ivindu yivi na muduuki kumanya agandaamukolera kunangwa inzi nduuki kumuhonyia.”

Malaki 1:2

Yahova avooreraa vandu veve, “Inzi ndamuyaanza zing'inga ziosi.” Navuzwa vandu vaativura, “Ivi ukuyaanza kuli ndi?” Yahova yativura, “Esau na Yakobo vaali avamwavo, navuzwa ndayaanza Yakobo.

Livalidza 22:35

Navuzwa engelosi yavoola, “Zizagilira na vasaza yava, navuzwa omolome vuzwa changovoolera ovoole.” Kunangwa Baalamu yazia navo.

Livalidza 22:5

yatuma vatumwa kuzia kulanga Balaamu muyaayi wa Beori, uwaali ha Pezori ahimbi nu mugera gwa Efurate mu kivala cha Amawi. Valeta makuva yaga kutura ku Balaki. “Nyenya umuvolere ndi, ihiiri enene yizi kutura Egebeti, avandu vayo vaziyi havundu hoosi kandi vatihiza ndi valavugula kivala chiitu.

Livalidza 24:9

Ihiiri eveeye kuli isimba yi zinguru; lwegonaa siaveeye ho no mulala unyala kuluvilira kugivukiza mba. Uyu ugasizaa vandu va Isiraeli alagasizwa, na uyu ulaama vandu va Isiraeli alalaamwa.”

Varumi 11:28

Kigira vasuura makuva malahi, Avayuda vaveeye vasigu va Nyasaye kigira munyi vandu vizihiiri. Navuzwa kigira litovola lia Nyasaye, vaveeye avalina veve kigira avaguuga vaavo.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Varumi 9:13

Kuli Mang'oda Matakatifu gavoora, “Inzi ndayaanza Yakobo, navuzwa ndaduunyira Esau.”

2 Vakorintho 4:17

Lidambizwa lia konyoora lie ing'inga ngekeeke, kandi ni likekeeke vuzwa; lilakakoletere vukumi vonene vwi mihiga ni mihiga kuvita vudinyu vwakonyoolaa.

Kwidzulitsa 2:29

kuduuka lwa kwambuka mugera gwa Jorodani kuzia mu kivala cha Yahova Nyasaye wiitu akohezaa. Visukululwi via Esau viamenyaa mu Edomu kandi avandu va Moabu avamenyaa mu Ari vakuvugilira kuvitira mu kivala chavo.’

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.

Kwidzulitsa 4:37

Kigira yayanza avaguuga vinyu, yatovola munyi, visukululwi viavo, kandi kuzinguru zizie zinene yamutuliza mu kivala cha Egebeti.

Joshua 24:10

Navuzwa sindavugilira Balaamu aviiki kilaamo kumunyi mba. Muvogono yivwo, ndaamukora naativula uvugasu ku munyi, na munzira yiyi, ndamuhonyia kutura ku Balaki.