Kwidzulitsa 22:6 - KITABU KITAKATIFU

⁶ “Niiva wakanyoola inyumba yi linyonyi ku musaala anoho haasi, anoho kunzira neveeye mu ni liinyia, niligoneye ku mavuyu anoho niliveeye navana valio, utavugula liinyia harara navana valio mba.

Kwidzulitsa 22:6 Iomraidhean Croise

Litanga 32:11

Inzi ngusaala ombonyie kutura ku mukono gwu vusigu vwa mwavo wange Esau. Mbeeye nuvuti naye kigira alaza kukwingilira kandi kudiviza kunyi kwosi, kali avakali harara na vana.

Litanga 8:17

Uvuguli vindu viosi viveeye ni livamwoyo viveeye harara na ivi zinyama ziosi, vimolaa, kandi amanyonyi goosi kunangwa viduuki kwivulana nokomedeeka ku lirova.”

Tsing'ano 12:10

Mundu mulungi alindaa mitugu jije, navuzwa mundu muchamu ajikoleraa vudamanu.

Hosea 10:14

Muganda gwa vandu viliihi gulaza kulwaana vandu vinyu, kandi zimbinga zienyu ziosi ziladivizwa. Nalive lidiku kuli lwu mwami Shalimani yadiviza Lidaala linene lia Bezarabeli mu vulwani. Avamama harara na vana vaavo vashonoranywa mu vidonye kuduuka nivakuza.

Kyavalevi 22:28

Utasiinza eng'ombe harara ne kemoli chayo mba anoho ligondi ne kememe chayio anoho imburi nekememe chayo kulidiku lilala mba.

Luka 12:6

“Amatondolizi gatano siganyala kugulizwa ku zisiringi ziviri? Navuzwa Nyasaye siyivilira kali lilala mba.

Kwidzulitsa 22:5

“Avakali vativiika zinguvu zia vasaza mba, kandi avasaza vativiika zinguvu zia vakali kali hakuzu mba, kigira Yahova Nyasaye winyu yasura avandu vakora vindu kuli yivi.