Kwidzulitsa 22:21 - KITABU KITAKATIFU

²¹ hene yaho valahila mukaana zana ha kiliango chi inyumba ya baba weve, na avasaza vi lidaala lilie valamulasa magina akuze. Yamala kokora kindu chie zisoni hagati ha avandu viitu ku likolera ovoheyi munyumba ya baba weve, nakikiri kuzia lukali. Munzira yiyi mulatuliza uvudamanu yivu hagati hinyu.

Kwidzulitsa 22:21 Iomraidhean Croise

Litanga 34:7

lwa vayaayi veve vazaa kutura mumilimi. Lwa vahulira, vaali niligenya kandi nu vutima kigira Shekemu yaali naakori kindu kuli yiki kandi yaali nanyegi avandu va Isiraeli nukwonogonyia mukaana wa Yakobo.

Litanga 38:24

Ahimbi inyima wi mieli jivaga mundu yavolera Yuda, “Navizara woovo Tamara yakolangi vulaya, na kalunu yavereka.” Yuda yalaga, “Mumuhili ichova ma mumusambe kuduuka akuzi.”

Kyavalevi 19:29

“Mutaviiki vakana vinyu mu zisoni kuvakola vave avaheye vu mulitembeli mba. Nimukora ndio mulagirung'ana kusigamira vanyasaye vandi na kivala kilizula voheyi.

Kyavalevi 20:2

avolere Avaisiraeli ndi, “Mundu woosi, Umuisiraeli anoho mugeni omenya hagati hinyu uhaana mulala ku avana veve kutumikirwa mu lisigamirwa munyasaye ulangwa Moleki, avandu vosi vikivala yicho valamulasa na magina, aduuki kukuza.

Kyavalevi 21:9

Niiva mukaana wu musaalisi aleyonogonyia ku liiva muheyi aviikababa weve mzisoni, ahaanaa zisoni ku baba weve, alasaambwa nu muliru kuduuka akuzi.

Kyavalevi 24:16

na yiitwi. Kandi umundu woosi wa Isiraeli anoho mugeni woosi omenya mu Isiraeli nanyega lieta lia Nyasaye, kuduuka Lidaala liosi vamulase na magina akuzi. Naava naveeye mugeni anoho wivulwa mu munyi, lwa anyegaa Yahova, kuduuka yiitwi akuzi.

Kyavalevi 24:23

Lwa Musa yaali niyakavoola makuva yaga ku avandu va Isiraeli, vaahira mundu zana ichova wi lidaala, nivamulasa namagina kuduuka nakuza. Munzira yiyi, avandu va Isiraeli vaakora ga Yahova yaali nalagi Musa.

1 Vakorintho 5:13

Nyasaye mwene alakalagira avandu yavo avaveeye ichova wi likanisa. Kuli Mang'oda Matakatifu gavoora, “Mukungi umundu mudamanu wu vwoni kuli yivu atuli hagati hi livugana lienyu.”

Kwidzulitsa 13:10

Mulamulasa magina kuduuka akuze! Yageriza kumwimilira muturi ku Yahova Nyasaye winyu, uwamuhonyia kutura Egebeti, uwa mwaali avatugwa.

Kwidzulitsa 13:5

Muporofeti oyo anoho mulooti oyo kuduuka yiitwi, kigira yilwaza liebaala ku Yahova Nyasaye winyu, uwamuleta kutura mu kivala cha Egebeti wamwaali vatugwa. Vandu kuli yava vadamanu, kandi vageriza kumutuliza kunzira ya Yahova Nyasaye winyu yamulaga mulonde ku. Kuduuka viitwi kunangwa mutulize uvudamanu voveeye hagati hinyu.

Kwidzulitsa 13:6

“Kali amwavo woovo anoho mwana muyaayi anoho mukaana woovo anoho mukali wa wayanza, anoho mulina woovo wa ahimbi ligali alakogonya musigamiri vanyasaye vandi mu vwivisu, avanyasaye vamunyi anoho vaguuga vinyu vavura kusigamira,

Kwidzulitsa 17:5

maku mulahila mundu oyo ichova wi lidaala na alaswe na magina kuduuka akuzi.

Kwidzulitsa 17:7

Avaloli valava vukutanga kulasa kuye magina, maku avandu vandi valonde ku. Munzira yiyi mulatuliza uvudamanu yivu hagati winyu.

Kwidzulitsa 19:19

hene yaho kuduuka anyoore amageri ga oyo uyaliiywi yaali anyoore. Munzira yiyi, mulatuliza uvudamanu yivu kutura hagati hinyu.

Kwidzulitsa 21:21

Kunangwa avasaza vi lidaala vosi valamulasa na magina kuduuka akuzi. Kuduuka mutulizi uvudamanu yivu hagati hinyu. Vuli mundu mu Isiraeli alahulira agaamali kwekoleka, na alava nu vuti ligali.

Kwidzulitsa 22:22

“Niiva musaza alanyolerwa naagoni numukali wu musaza wundi, vombi viitwi. Munzira yiyi ulatuliza uvudamanu yivu mu Isiraeli.

Kwidzulitsa 22:24

hene yaho vombi valahirwa ichova wi lidaala na valaswe amagina, vakuzi. Mukaana alakuza kigira siyaakuba zikwiri akonywe kali niyaali mu lidaala mba. Kandi musaza alakuza kigira yonogonyi mukali wu musaza wundi. Munzira yiyi, mulatuliza uvudamanu yivu hagati hinyu.

Vakalagi 19:23

Navuzwa umusakulu yazia ichova navavoolera, “Awa valina vange! Mwaza! Mutakola kindu kidamanu kuli yiki mba. Kigira musaza uyu nu mugeni wange, mutakoli kuye kindu kuli yiki mba.

Vakalagi 20:10

Ikidieli chi likomi cha vasaza mu Isiraeli valaleta ichukulia chu kutumikira mu liihi, na avandi valazia kulwaana Gibea ku lihiolo lia vamali kokora mu Isiraeli.”

Vakalagi 20:5

Avasaza va Gibea vaza konyenya ma ni vakumbiriza inyumba vudiku. Venya vaanziti; mu vwiyangu vwene yivwo, vonogonyia mukali wange, ma nakuza.

Vakalagi 20:6

Ndaavugura umuviri gwigwe ningotemaganyia mu vidonye, ma ninduma ekedonye chagwo kuvuli ihiiri ya Isiraeli kuli ziveeye komi na mbiri. Avandu yava vakoli ikindu ikidamanu kandi kitaduukanaa hagati hiitu.