Kwidzulitsa 20:1 - KITABU KITAKATIFU

¹ “Lwa muturaa kuzia mu vulwani na vasigu vinyu kandi mulole magare gu vulwani, ni zibarasi kandi avasikari vi liihi avanyingi kuvita avinyu, mutavatia mba. Yahova Nyasaye winyu, uwamutuliza mukivala cha Egebeti, alava harara nimunyi.

Kwidzulitsa 20:1 Iomraidhean Croise

Litanga 26:3

Omenye hano, na ndava harara na ivi, kandi ndakugasiza. Ndakuha kivala yiki choosi harara nivisukululwi vivio. Ndalonda lilagana lia ndalomba na baba woovo Aburahamu.

2 Kyetsinyinga 14:10

Hene yaho, mwami Asa yazia kulwaana Zera, vombi vavugura vogono vwavo mulivona lia Zefaza mu kivala cha Maresha.

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

2 Kyetsinyinga 20:12

Ivi oveeye Nyasaye wiitu! Haana amageri kuvo, kigira sikoveeye kindu imbiri wi liihi linene yili ilikulwanaa. Sikumanyi cha kunyala kokora, navuzwa kusuuviraa ndi ivi ulakokonya.”

2 Kyetsinyinga 20:15

Jahazieli yavolera mwami Jehoshafati na vandu vosi avamenya mu Jerusalemi ni Ivuyuda, “Muhuliri! Yaga nigo ga Yahova avoora, ‘Mutatia, kandi mutakuza mioyo jinyu mba; kinga mutatia liihi linene yili, kigira uvulwani sivoveeye vwinyu, navuzwa vwa Yahova Nyasaye!

Zaburi 118:6

Yahova aveeye harara ni inzi, kandi si nyara kutia mba. Mundu vuzwa anyala kongola kindiki?

Zaburi 20:7

Avalala vasuuvira mu magare gaavo gu vulwani na avandi vasuuvira mu zibarasi ziavo, navuzwa kunyi kusuuviraa mu zinguru zia Yahova Nyasaye wiitu.

Zaburi 23:4

Yee, kali niimba neng'enda mu kivanda chi chiriri chi likuza, si ndatia kivi mba; kigira oveeye niinzi harara; imbimbu yooyo nu lusaala lulwo zinemerizaa.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:8

Hambi mulole icha Yahova amali kokora. Heenzi ku vindu viokogenyia via yakola ku lirova.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Jeremia 16:14

Yahova avoora, “Ing'inga yiza lwa avandu valivula kwisuha ku inzi kuli Nyasaye oveeye mwoyo uwaleeta avandu va Isiraeli kutura mukivala cha Egebeti.

Zekaria 10:5

Avandu vi Ivuyuda valakaguuti kuli vasikari vaduvagira vasigu vaavo mu madohi gizinzira. Valakalwaane kigira Yahova aveeye harara navo, kandi valakaguuti kali avasigu valiva ku zibarasi.

Livalidza 10:9

Lwamuzia kulwaana avasigu vamudambiza mu kivala chiinyu, maku mulakuba visiliva; ninzi Yahova Nyasaye winyu ndamukonya kandi ndamuhonyia kutura ku vasigu vinyu.

Livalidza 23:21

Ndolaa madiku gaaza imbiri ga Isiraeli, sialavaleetela vudamanu naho vudinyu mba; Yahova Nyasaye wavo aveeye navo; valandiza ndi Yahova nu mwami wavo.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Kwidzulitsa 1:29

Navuzwa inzi ndavavolera, “Mutatia anoho kukuza mioyo kigira avandu yavo mba.

Kwidzulitsa 2:7

“Mwizurizi kuli Yahova Nyasaye winyu amali kumugaasiza mu vindu viosi viamumali kokora. Yamulinda ku mihiga arubaini lwa mwagendagenda kuvitira mu changalangwe kenene yiki, na simwadaka kindu mba.

Kwidzulitsa 20:2

Nimukiri kutanga vulwaana, musaalisi alaza imbiri winyu, nokomoloma ku liihi,

Kwidzulitsa 20:3

navoora, ‘Avasaza va Isiraeli, muhuliri! Lidiku lia kalunu muziza muvulwani. Mutatia avasigu vinyu, anoho kukuza mioyo, anoho kodegera mba.

Kwidzulitsa 31:6

Muve avagulu kandi avaluviriri. Mutatia kandi mutadegerizwa navo mba, kigira Yahova Nyasaye winyu alazia harara nimunyi. Sialamuleka anoho kumusuura mba.”

Kwidzulitsa 31:8

Yahova mwene alakwimilira kandi ave harara niivi. Sialamuleka anoho kumusura mba, kunangwa utakuza mwoyo anoho kutia mba.”

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Kwidzulitsa 7:18

Mutavatia mba; mwizurizi aga Yahova Nyasaye winyu yakola ku Mwami wa Egebeti kandi ku avandu veve vosi.

Kwidzulitsa 7:21

Kunangwa mutatia avandu yava mba. Yahova Nyasaye winyu aveeye harara ni munyi; aveeye Nyasaye munene kandi mulala wukutivwa.

Kwidzulitsa 9:3

Na vuzwa kalunu mulelorera aveene ndi Yahova Nyasaye winyu alimiira imbiri winyu kuli muliru gusambaa. Alavadiviza nokuvagehiza imbiri winyu lwa muvatulira. Kunangwa, mulavakunga nokuvadiviza vwangu kuli Yahova yamusuuviriza.

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Joshua 11:9

Joshua yakola kuvo icha Yahova yalaga: Yaaleminya zibarasi ziavo kandi nasamba magare gaavo gu vulwani.

Vakalagi 6:12

Engelosi wa Yahova yaloleka ku Gidioni na amuvoleraa, “Yahova aveeye nivi, mundu muluviliri kandi mundu wuvunyali.”

Vakalagi 6:16

Yahova yamutivulira, “Unyala kokora ndio kigira Inzi ndakokonya. Uladiviza vandu va Midiani kuli udiviza umundu mulala.”

1 Samweli 17:32

Daudi yavolera Saolo, “Utaleka mundu ku vosi akuze mwoyo kigira Mufilisitia uyu mba; ndazia kulwaana naye.”