Kwidzulitsa 2:37 - KITABU KITAKATIFU

³⁷ Sikwisuunda ahimbi ni kivala cha vandu va Amori, zimbega ziosi ziu mugera gwa Jaboku, anoho ku madaala gi kivala chi vigulu anoho havundu handi hoosi ha Yahova Nyasaye wiitu yakulaga kuvuli kuzia yo mba.

Kwidzulitsa 2:37 Iomraidhean Croise

Litanga 32:22

Mu vudiku vwene yivwo, Yakobo yavuka, navugura vakali veve vaviri, harara na vatumikiri veve vaviri vi kikali kandi avana veve 11. Yambuka mugera gwa Jaboku.

Livalidza 21:24

Navuzwa vandu va Isiraeli vita vasigu vaavo vanyingi mu vulwani ni vavugura kivala chavo kutura kumugera gwa Arinoni Ivaale wa Jaboku, kuduuka ku vandu va Amoni, kigira ulwako lwa vandu va Amoni lwali ni lwakingwa nizinguru.

Kwidzulitsa 2:19

Lwa muduuka ahimbi mu kivala cha avandu va Amoni, visukululwi va Loti, mutavadambiza anoho kutangiza uvulwani navo mba, kigira sinzizaa kuhaana ku munyi kivala cha ndaavaha kuva miandu jaavo mba.’ ”

Kwidzulitsa 2:5

Mutatangizi uvulwani navo mba, kigira sindamuha kali imiita ndala yi kivala chavo mba, kigira ndaamara kuhaana ku visukululwi via Esau kivala cha Edomu kuva miandu jaavo.

Kwidzulitsa 2:9

Yahova yambolera; utadambiza avandu va Moabu, visukululwi va Loti mba, anoho kuvalwaana mba. Mali kuvaha lidaala lia Ari, kandi sinzizaa kuhaana ku munyi kivala chavo mba.”

Kwidzulitsa 3:16

Kandi ndaha vandu vi ihiiri ya Rubeni na Gadi kivala choosi kutura Gileadi kuduuka kumugera gwa Arinoni. Hagati hu mugera haali ho nu lwako kolovega lwi isavaalu, nu ulwaako lwa ivaale lwali mugera gwa Jaboku, ogoveeye lwako lwa vandu va Amoni.

Joshua 12:2

Mulala kuvo yaali Sihoni, mwami wa vandu va Amori uwamihaa ha Heshiboni. Uvwami vwivwe vwameeda ku inusu ya Gileadi; kutura Aroeri (kundulu mu livona lia Arinoni) kandi lidaala liveeye hagati hi livona yilio, kali kuduuka ku mugera gwa Jaboku, ulwako lwa vandu va Amoni;

Vakalagi 11:15

na mativuli yaga: “Sigaveeye giligali ndi vandu va Isiraeli vaavugura ikivala cha Moabu anoho ikivala cha Amoni mba.

Vakalagi 11:22

Vaavugura ikivala cha vandu va Amori choosi kutura ku Arinoni nekeveeye isavaalu, kuduuka ku Jaboku neveeye ivaale, kandi kutura ku mwigendanyama iliveeye ivugwi wu mugera gwa Jorodani kolovega lwi madioli.