Kwidzulitsa 2:36 - KITABU KITAKATIFU

³⁶ Yahova Nyasaye wiitu yakoleka nikuvugula madaala goosi kutura Areeri liveeye kundulu kwi livona lia Arinoni, nilidaala liveeye hagati hi livona kali kuduuka Gileadi. Sihaaliho ni lidaala lie lidigi litambi iliatigala mba. Yahova Nyasaye wiitu yagaviika hasi hi zinguru zietu.

Kwidzulitsa 2:36 Iomraidhean Croise

2 Samweli 24:5

Inyima wukwambuka mugera gwa Jorodani, valomba hokososa Isavaalu wa Aroeri, lidaala linene mugati mwi livona, mu kivala cha Gadi. Kutura yaho, vazia Ivaale kuduuka mu lidaala lia Yazeri,

2 Avami 10:33

ivugwi wu mugera gwa Jorodani kali kuduuka isavaalu wi lidaala lia Aroeri kandi mugera gwa Arinoni. Yiki chaali harara ni kivala cha Gileadi na Bashani, wi zihiiri zia Gadi na Rubeni, kandi na zihiiri zia Ivugwi wa Manase ziamenya.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Kutwula 23:31

Ndalomba zinzako zie kivala chiinyu zivambalale kutura ku mukono gwi Inyanza inzakanyu kuduuka kunyanza ya Meditareniani gwa vandu va Filisitia kandi kutura ku changalangwi kuduuka ku Mugera gwa Efurate. Ndamuha zinguru ku avandu vumukivala yicho na munyi mulavakunga vatuli imbiri winyu lwa muvingilira.

Isaya 17:2

Madaala manene ga Siria galang'anywa mihiga ni mihiga. Galava vwayiru vwa magondi ni zing'ombe, na sihaveeye ho numulala uvikunga mba.

Jeremia 48:19

O, munyi avandu vamenyi Aroeri, musingiri mu zinzira na muhenzerizi; muteeve yavo avirukaa vaduuki hokohona muvateeve, ‘Kindiki kimali kokoleka?’

Livalidza 32:34

Ihiiri ya Gadi yumbaka vuhia zimbinga zia madaala ga Diboni, Atarozi, Aro,

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Kwidzulitsa 3:12

“Lwa kwavugula kivala yiki kuva miandu jietu, ndaha ihiiri ya Rubeni na Gadi kivala keveeye ivaale wi lidaala lia Aroeri, liveeye ahimbi nu mugera gwa Arinoni harara ni nusu yi kivala chi vigulu cha Gileadi, harara na madaala gacho.

Kwidzulitsa 4:48

Lwako lwi kivala yiki lwali kutura ku lidaala lia Aroeri, liveeye mu livona liu mugera gwa Arinoni kuduuka ivaale ku kiguru cha Sironi, ekeveeye kiguru cha Herimoni.

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

Joshua 12:2

Mulala kuvo yaali Sihoni, mwami wa vandu va Amori uwamihaa ha Heshiboni. Uvwami vwivwe vwameeda ku inusu ya Gileadi; kutura Aroeri (kundulu mu livona lia Arinoni) kandi lidaala liveeye hagati hi livona yilio, kali kuduuka ku mugera gwa Jaboku, ulwako lwa vandu va Amoni;

Joshua 13:16

Kivala chavo chaduuka Aroeri, kuzindulu zie livona lia Arinoni kandi lidaala hagati lie livona yilio kandi harara ne kereremo choosi kukumberiza Medeba.

Joshua 13:9

Kivala chi zihiiri yizi chaduuka kolovega lwi ivugwi wi Isavaalu mu lidaala linene lia Aroeri, kulwako lwi livona lia Arinoni; kandi lidaala linene hagati hi livona yilio, kandi harara ne kereremo choosi kutura mu lidaala lia Medeba, kuduuka Diboni.

Joshua 21:44

Yahova yavaha mirembe mu kivala chavo choosi kuli yaali niyasuuviriza avaguuga vaavo. Siyaali ho numundu kali avasigu vaavo waali unyala kuhingana navo mba, kigira Yahova yahaana ku vandu va Isiraeli iliguuta.

Vakalagi 11:22

Vaavugura ikivala cha vandu va Amori choosi kutura ku Arinoni nekeveeye isavaalu, kuduuka ku Jaboku neveeye ivaale, kandi kutura ku mwigendanyama iliveeye ivugwi wu mugera gwa Jorodani kolovega lwi madioli.

Vakalagi 11:26

Ku mihiga miatatu vandu va Isiraeli vamenya mu Heshiboni na Aroeri, kandi mu madaala gaveeye ahimbi, harara na madaala gandi amanene kulujinga lwu Mugera gwa Arinoni. Kigira ki simwavugula amadara zana yaga kutura ing'inga yila yoosi?