Kwidzulitsa 2:23 - KITABU KITAKATIFU

²³ Kivala chukulujinga lwinyanza ya Meditareniani choosi, avandu kutura mu kisulu cha Kerete vamenya mucho. Vaali nivamali kudiviza vandu va Aviyi avamenyaa mu cho kutura mulitanga, kandi vaali nivavugura kivala chavo choosi kuduuka mu lidaala lie isavaalu lia Gaza.

Kwidzulitsa 2:23 Iomraidhean Croise

Litanga 10:14

Pazurasi, Kasiluhi na ava Kerete ivisukulurwi via Vafilisitia vaatura ku.

Litanga 10:19

kuduuka lwi zinzako zia Kanaani ziatula Sidoni, mulovega lwa Gerari ahimbi Gaza, kandi mulovega lwa Sodoma, Gomora, Adama na Zeboiimu ahimbi Lasha.

1 Avami 4:24

Solomoni yamiha kivala choosi keveeye imadioli wu mugera gwa Efurate, kutura Tifusa ku mugera gwa Efurate kuduuka imadioli wi lidaala linene lia Gaza. Avami vosi imadioli wumugera gwa Efurate vamifwa naye, kandi yaali mu mirembe ni vivala viosi viali vatende veve.

2 Avami 18:8

Yaguuta nu kwiita Vafilisitia, kandi ni yingilira havundu hoosi aha vamenya kutura ku tudaala tokekeeke ligali kuduuka ku madaala manene gi zimbinga, komeeda ku Gaza na vivala vialio ivialikumbiriza.

1 Kyetsinyinga 1:12

Pazurasi, Kasilu na Kerete uwi kisukururwi cha Vafilisitia chatula kuye, kandi Kafutori.

Jeremia 25:20

kandi na avageni vosi avaari mukivala cha Egebeti; Avami vosi vi kivala cha Uzi kandi na avami vosi vi kivala cha Filisitia mu madaala manene ga Ashikeloni, Gaza, Ekironi kandi na avandu vaatigara Ashidodi,

Jeremia 47:4

Ing'inga yimali kuduuka yu kudiviza avandu va Filisitia vosi, kandi kwita vosi avahononoka avaari vanyara kokonya Tiro na Sidoni. Yahova aveeye ahimbi kudiviza vandu va Filisitia, avatigara kutura muvisuru via Kerete.

Amosi 9:7

Yahova avoora, “Avandu va Isiraeli, simuveeye kuli avandu va Ezopia ku inzi? Sindaleeta munyi avandu va Isiraeli kutura mu kivala cha Egebeti? Sindaleeta Kandi vandu va Filisitia kutura mu kivala cha Kerete na avandu va Siria kutura mu kivala cha Kiri?”

Zefania 2:4

Avulaho mundu kali mulala ulitigara mu lidaala lia Gaza. Lidaala lia Ashikeloni lilakatigale hazwa. Avandu vi lidaala lia Ashidodi valakakungwi mu ing'inga yi inusu yi lidiku, kandi avandu vi lidaala lia Ekironi valakakungwi mu lidaala liavo linene.

Zekaria 9:5

Avandu vi lidaala linene lia Ashikeloni valakalole yaga kandi valakave nu vuti. Avandu vilidaala linene lia Gaza valakalole yaga kandi valakasaliri nu vuzunu vonene. Avandu va Ekironi kandi valakave ndio. Lisuuvirizwa liavo lilakononywe. Avandu va Gaza valakagotizi mwami wavo kandi lidaala liavo. Ashikeloni lilakatigale mang'anye.

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Joshua 10:41

Joshua yavaguuta kutura Kadeshi Barinea mu isavaalu kuduuka Gaza ahimbi ku lujinga lwi inyanza; harara ni kivala choosi cha Gosheni kandi kuduuka Gibeoni mu lovega lwa ivaale.

Joshua 11:22

Mundu wi hiiri ya Anaki kali mulala siyaalekwa mu kivala cha Isiraeli mba; nitali avalekwa vuzwa mu Gaza, Gazi, na Ashidodi.

Joshua 13:3

kandi kivala choosi cha vandu va Vimu kolovega lwi savaalu. Kivala kutura kumugera gwa Shihori, ivugwi wu lwako lwa Egebeti kuduuka ivaale wu lwako lwa Ekironi, chaali kivala cha Kanaani. Avami va vandu va Filisitia vamenya Gaza, Ashidodi, Ashikeloni, Gazi, na Ekironi.

Joshua 15:47

Gaali ho madaala manene ga Ashidodi na Gaza, harara nutudaala twago twosi, nigaduukaa ku mugera ku lwako lwa Egebeti kandi kivala chu lwako lwinyanza ya Meditareniani.

Vakalagi 1:18

Avandu va Yuda vaaguuta Gaza harara ni kivala chavo, Ashikeloni harara ni kivala chavo, kandi Ekironi ni kivala chavo.