Kwidzulitsa 19:8 - KITABU KITAKATIFU

⁸ “Lwa Yahova Nyasaye winyu avambalaliza zinzako zie kivala chienyu kuli yisuhira avaguuga vinyu, na amuhe kivala choosi cha yavasuuviriza,

Kwidzulitsa 19:8 Iomraidhean Croise

Litanga 28:14

Visukululwi vivio vilakave vinyingi kuli luguchi loveeye ku lirova. Valalanda kutura Ivugwi kuduuka Imadioli, kandi kutura Ivaale kuduuka Isavaalu. Kuvitira mu ivi ni visukululwi vivio, ndakagasizi zihiiri ziosi.

1 Avami 4:21

Vwamihi vwa Solomoni vwosi vwa haambanyia harara vivala kutura ku mugera gwa Efurate kuduuka ku kivala cha Avafilisitia, kandi kuduuka ku lwako lwa Egebeti. Avandu vi vivala yivi viosi vaatunga uvusuru kuye kandi yavamiiha mu madiku goosi ga yaali mwoyo.

Ezara 4:20

Avami vizingulu vamali kwamiiha yo kandi vamali kwamiiha ku kivala choosi chi Imadioli wa Efurate nivasolola uvusuru.

Kutwula 23:31

Ndalomba zinzako zie kivala chiinyu zivambalale kutura ku mukono gwi Inyanza inzakanyu kuduuka kunyanza ya Meditareniani gwa vandu va Filisitia kandi kutura ku changalangwi kuduuka ku Mugera gwa Efurate. Ndamuha zinguru ku avandu vumukivala yicho na munyi mulavakunga vatuli imbiri winyu lwa muvingilira.

Kutwula 34:24

Kigira ndakunga zihiiri imbiri woovo kandi ndavambalariza zinzako zie kivala chienyu kandi sihalavaho nu mundu ogeriza kuguuta kivala chienyu mba, lwa muloleka imbiri wa Yahova Nyasaye winyu haali kavaga ku muhiga.

Kwidzulitsa 12:20

“Lwa Yahova, Nyasaye winyu, avambalaliza kivala chienyu kuli yamusuuviriza muveeye vavoholole kulia inyama kuli munyala.

Kwidzulitsa 19:7

Yiki nicho kigira mulagaa mwetovolere aveene amadara gavaga guvuhaliru.