Kwidzulitsa 19:5 - KITABU KITAKATIFU

⁵ Kuli mundu anyala kuzia mu mulitu harara numutende weve kotema musaala, kandi lwa ava naaginga imbaazi yeeye kotema musaala, ma imbaazi esomoke mu muhini ma iduyi mutende weve kandi imwite, munau oyo anyala kwilukira mu lilala ku madaala gavaga yaga ma ahonyie livamwoyo lilie.

Kwidzulitsa 19:5 Iomraidhean Croise

2 Avami 6:4

na vazia harara. Lwa vaduuka ha mulitu gwa Jorodani, vatanga kotema misaala.

Tsing'ano 27:12

Mundu mugeri alolaa vudinyu nivuza ma yeleha kuvwo, navuzwa mundu utaganagana alingira muvwo ma yidula lwinyima.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Livalidza 35:25

Muganda gwenyeka gohonyie oyo wita mundu mu matava kutura ku mwiko wa oyo witwa, venyeka vamwiranyie mu lidaala linene wa yaali ni yirukiyi gamudukira amenye mu lidaala yili kuduuka lwu mundu uva naveeye musaalisi munene akuza.

Kwidzulitsa 19:4

“Yili nilio lilago kolondekana nu mundu witaa wundi, ma yirukiri yo kohonyia livamwoyo niiva mundu aliita mutende weve vugira kumanya, uwa yavula kudunyira maziambiri; anyala kwilukira mu lilala ku madaala yago kandi ave nimirembe.

Kwidzulitsa 19:6

Kigira mwiko uvanzaa kisaalia cha masahi alamulonda muvutima vonene, ma amugumiri niiva logendo loveeye lutambi, nokumwita, kali niiva siaduukanaa yiitwi. Kigira yita mundu utaveeye musigu weve kutura kale.