Kwidzulitsa 19:15 - KITABU KITAKATIFU

¹⁵ “Mulolekizi mulala vuzwa siadukira ku likalagirwa liu mundu oveeye nilihiolo mba. Avaloli vaviri anoho vavaga kuduuka vadinyirizi lilolekiza likuva kumanyia ndi mundu ahioye.

Kwidzulitsa 19:15 Iomraidhean Croise

1 Avami 21:10

Nyooli vandu vadamanu vaviri vamuyaale imbiri wizimoni zizie kigira linyega Nyasaye kandi mwami. Hene yaho muvuguli mumuhile ichova wi lidaala linene na mumulase magina kuduuka akuzi.”

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

Livalidza 35:30

“Mundu uyalwa kigira vulumindi anyala kuva mwiti, uyu anyala kwitwa niiva kulava na valoli vaviri anoho vanyingi. Vololi vwu mundu mulala sivunyala kudinyiriza liyaaliza liu mulumindi mba.

Matayo 18:16

Navuzwa navula kukuhulira, vugula mundu wundi mulala anoho vaviri, amakuva goosi gaduuki kulungika mu livoora lia avaloli vaviri anoho vavaga.

Yohana 7:51

“ Kolondekana ni Lilaga lietu sikunyala kukalagira mundu vudamanu imbiri wa kukiri kumuhuliriza kandi kumanyiriza icha mali kokora mba.”

Yohana 8:17

Gang'odwa mu lilaga lienyu ndi lilolekiza lia avandu vaviri liveeye liagiligali.

2 Vakorintho 13:1

Yiyi ni ing'inga yange ya kavaga ya nziza kumugeniha. Mang'oda Matakatifu gavoora, “Likuva liosi liu kuyaala liladinyirizwa ni lilolekiza lia vandu vaviri anoho vavaga.”

Kwidzulitsa 17:6

Anyala kwitwa vuzwa niiva avaloli vaviri anoho vavaga valavoora giligali kuye. Sialitiva niiva muloli aveeye mulala yeng'ine mba.

Vahebraina 10:28

Mundu woosi wavula kutia Lilaga lia Musa ku likuva lia valoli vaviri anoho vavaga, kuduuka yitwi vugira livelererwa.