Kwidzulitsa 18:9 - KITABU KITAKATIFU

⁹ “Lwu muduuka mu kivala cha Yahova Nyasaye winyu amuhezaa, mutalonda miima nilikola lidamanu lia vandu vi zihiiri vaveeye mu mba.

Kwidzulitsa 18:9 Iomraidhean Croise

2 Avami 17:11

Vasamba kimuli ku vwali vwosi vwa vasigamira misambwa, ni valonda likora lia vandu va Yahova yakunga kutura mu kivala. Vavuukiza uvutima vwa Yahova ni vikolwa viavo vidamanu.

2 Avami 17:8

ni valonda miima ja avandu ava Yahova yaali ni yakunga imbiri wa vandu va Isiraeli, no kolonda miima ja vami va Isiraeli vaali ni vatangizi.

2 Kyetsinyinga 28:3

Yasamba kimuli mu Livona lia Hinomu, kali yahaana avayaayi veve kuli visiuviliru viukusambira misambwa, kolondekana ni likora liukuvihiliriza lie zihiiri zia Yahova yakunga kutura mu kivala imbiri wa avandu va Isiraeli.

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Jeremia 10:2

Avoora, “Mutalonda zinzira ziezihiiri zindi mba; mutanyangizwa ni vindu viokogenyia vikoleka mu ligulu mba, kali niiva izihiiri zindi zitihizangwa.

Kyavalevi 18:30

Yahova yavoola; “Mulonde malago gamuhezaa na mutalonda vikolwa via avandu avamenyaa mu kivala yicho imbiri winyu mba. Muteyonogonyi munyi vene mu likora kilala ku vindu yivi mba. Inzi mbeeye Yahova, Nyasaye winyu.”

Kwidzulitsa 20:18

Muviiti kunangwa vavuli kumukola mwone ku Yahova mu limwigiza mukore vindu viosi viukuvihiriza via vakora mu lisigamira avanyasaye vaavo.

Kwidzulitsa 9:4

“Inyima wa Yahova Nyasaye winyu amala kumukungira avandu yavo, mutavooli mu mioyo jinyu ndi ‘Gaveeye kigira uvulungi vwitu mba, Yahova yakoleta kuvuguli kivala yiki.’ Awa, Yahova azizaa kukunga avandu vizihiiri yizi vatuli imbiri winyu kigira uvudamanu vwavo.

Kwidzulitsa 9:5

Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.