Kwidzulitsa 18:20 - KITABU KITAKATIFU

²⁰ Navuzwa niiva muporofeti woosi aluvilira komoloma likuva mu lieta liange ku lihindagiliza lwa inzi mburi kumulaga akole ndio, kuduuka akuzi kigira agene yago, nandio kandi muporofeti woosi amolomaa mu lieta lia avanyasaye vandi kuduuka akuzi.’

Kwidzulitsa 18:20 Iomraidhean Croise

1 Avami 13:19

Kunangwa muporofeti kutura Ivuyuda yazia yengo numuporofeti musakulu kandi nalia chukulia harara naye.

1 Avami 18:19

Kalunu laga avandu vosi va Isiraeli vaagane ninzi ha kiguru cha Karimeli. Leeta vaporofeti va Baali 450 kandi vaporofeti 400 vumunyasaye wikikali Ashera avakonywa na Jezebeli mukali woovo.”

1 Avami 18:27

Mbasu hagati, Elija yaatanga kuvakolera kehenyahenye; “Saali vudinyu! Aveeye nyasaye! Alootaa mbasu anoho asoosaa, anoho hawundi uziiyi ko logendo. Anoho agonaa na kuduuka mumuvukize!”

1 Avami 18:40

Elija yalaga, “Gumira avaporofeti va Baali; mutaleki mulala kuvo yiruki mba!” Avandu vavagumira vosi na Elija yaavimilira kusulunguta ku mugera gwa Kishoni, navitira yo.

Jeremia 2:8

Avasaalisi si vateva, ku ‘Yahova aveeye hayi?’ Yava avaari ni lilago sivamanya inzi mba. Avamihi vibaara ku inzi avaporofeti vaporofeta mu lieta lia Baali, kandi nivasigamira vifananyi via vuzwa.”

Jeremia 23:30

Mbeeye nuvusigu navaporofeti yavo avavuguraa mang'ana ga vache nivagalandiza kuli likuva liange.

Jeremia 23:31

Ndunyiraa avaporofeti yavo avamolomaa mang'ana gaavo aveene nivavoora gatuli ku inzi.

Jeremia 26:11

Kunangwa avasaalisi navaporofeti vavoolera aviimiliri navandu, “Umundu uyu adukanaa kukalagirwa likuza kigira omolomi vudamanu ku lidaala lietu. Mwamuhulira munyi aveene.”

Jeremia 27:15

Yahova mwene amali kovora ndi si yatuma avaporofeti yavo kumunyi kovora makuva gu vugadi mulieta lilie mba. Kulwayago alamukunga kutura mukivala yiki, munyi harara na avaporofeti avavooraa uvugadi kandi muliitwa.”

Ezekieli 13:6

Amalola gaavo si gaveeye gagiligali mba, kandi ovoporofeti vwavo voveeye vwu vugadi. Vavoola ndi vamoloma makuva gange, navuzwa sindaavatuma mba. Venya makuva gaavo gaduuki kuva gagiligali.

Zekaria 13:2

Ing'inga yeyo, ndakatuliziho amita gi vifananyi viosi kutura ku kivala, kandi mundu kali mulala si alakavizulizi kandi mba. Ndakatuliziho mundu woosi ovola aveeye muporofeti, kandi ndakatuliziho liegomba liu kusigamira vifananyi.

Zekaria 13:3

Niiva mundu woosi alazizagilira koporofeta, baba weve na mama weve valamwiganihiza ndi ivi siulava mwoyo mba, kigira ovola makuva gu vugadi mu lieta lia Yahova. Niiva si alahulira lieganihiza yili, baba weve na mama weve vamwivula valamutoza nu kumwita lwava naporofetaa.

Matayo 7:15

“ Mugerihi ku avaporofeti vo vovehi. Valaza ku munyi niviviiki zinguvu zia magondi, navuzwa mu mioyo jaavo vaveeye visalang'ongo vilulu.

Kwidzulitsa 13:6

“Kali amwavo woovo anoho mwana muyaayi anoho mukaana woovo anoho mukali wa wayanza, anoho mulina woovo wa ahimbi ligali alakogonya musigamiri vanyasaye vandi mu vwivisu, avanyasaye vamunyi anoho vaguuga vinyu vavura kusigamira,

Kwidzulitsa 17:12

mundu uhing'ana nukuvula kuhulira musaalisi anoho mukalagi oveeye ku miyinzi ing'inga yene yeyo, kuduuka yiitwi. Na ndio mulatuliza uvudamanu yivu mu Isiraeli.

Kwidzulitsa 18:21

“Munyala kogenya kuli monyala kumanyiriza niiva likuva liu muporofeti silitulaa ku Yahova.

Kwidzulitsa 18:22

Niiva muporofeti amolomaa mu lieta lia Yahova, na agaavoola gavuli kwekoleka, maku, likuva yilio siliveeye kutura ku yahova mba. Muporofeti oyo umali komoloma ku vunyali vwivwe na munyi mutamutia mba.

2 Petro 2:12

Navuzwa avandu yava vayinzira novogeri kuli zinyama ziu muvulimu, ziivurwa ma zigumirwa nukwitwa. Vingilira namanyego kindu choosi chavatamanyi. Valadivizwa kuli zinyama ziu muvulimu,

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Vakalagi 2:15

Vuli ing'inga lwavaziizaa muvulwani, Yahova yaavehoneraa ligali, vuzwa kuli yaali niyavavoolera. Vaali nu vudinyu vunyingi.