Kwidzulitsa 18:16 - KITABU KITAKATIFU

¹⁶ “Ku lidiku lia mwavuganywa ha kiguru cha Sinai, mwateeva muvuli kuhulira Yahova, Nyasaye witu naamuloma kandi muvuli kolola liiva lilie liu muliru munene kigira mwatia ndi mulakuza

Kwidzulitsa 18:16 Iomraidhean Croise

Kutwula 20:18

Lwa avandu vahulira muliviti gwinguba ni kisiriva nivikuba, nizimbeni nizihemahemaa kandi kiguru nikivuyaa mwochi, vaadegera nuvuti nivasingila ihale.

Kutwula 20:19

Vavoolera Musa, “Niiva ulamoloma ku kunyi, kulahuliriza; navuzwa koveeye nuvuti ndi niiva Nyasaye alamoloma ku kunyi kulakuza.”

Jeremia 1:9

Maku Yahova yanyira mukono gwigwe nadiira ku munwa gwange, kandi nambolera, “Hulira, inzi mali kukuha amakuva gomolomaa.

Kwidzulitsa 1:6

“Lwa kwaali ha Kiguru cha Sinai, Yahova Nyasaye wiitu yakovolera ndi, ‘Mumali komenya ha Kiguru yiki ku ing'inga iduuki.

Kwidzulitsa 10:4

Kunangwa Yahova yang'oda ku vibaho yivio amakuva malala meere aga yaali nang'odi ing'inga yukutanga, amalago likomi aga yahaana ku munyi lwa yamoloma kutura hagati hu muliru ku lidiku lia mwavunga ha kiguru. Yahova yamba vibaho zana;

Kwidzulitsa 9:10

Maku Yahova yamba vibaho via magina gaviri ukwa yaali nang'odi nu mukono gwigwe mwene amakuva ga yamuvolera kutura hagati hu muliru ku lidiku lia mwavunga ha kiguru.

Vahebraina 12:19

nukumwoyo gwikisiliva, kandi ku liyoga liu mwoyo. Lwa vandu va Isiraeli vahulira mwoyo zana vagoonya Musa ndi vatahulira likuva lindi kandi mba,