Kwidzulitsa 18:10 - KITABU KITAKATIFU

¹⁰ Mutahaana avana vinyu kuva kisiuviriru chukusambwa mu muliru ku vwali vwinyu mba; kandi mutaleki avandu vinyu vakole uvusigitiri mba anoho kohenza zingavi zindamanu,

Kwidzulitsa 18:10 Iomraidhean Croise

Litanga 44:5

Yiki ni kekombe chu munene wange anweramu, kandi keveeye cha koleramu uvukumu. Mumali kokora vudamanu ligali!’ ”

2 Avami 16:3

navuzwa yalonda liiva lia vami va Isiraeli. Kali yasamba muyaayi weve mwene kuli kisiuviriru chu kusambwa, kolondekana ni likora liu kuvihiliriza lia avizihiiri, ava Yahova yakunga imbiri wa vandu va Isiraeli.

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

2 Avami 17:17

Vahaana avayaayi vaavo ku vanyasaye kuli visiuviliru.

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

2 Avami 23:24

Kuhaana zinguru nu kudinyiriza Lilaga liang'odwa mu kitabu chu Musaalisi Munene Hilikia yaali nanyooye mu Litembeli, mwami Josia yaatuliza mu Jerusalemi harara ne Ivuyuda yoosi avasigitiri, avakumu, avanyasaye vu muzinyumba, vifananyi, harara ne viju viosi viukusigamira misambwa.

1 Kyetsinyinga 10:13

Kunangwa Saolo yakuza kigira livula kuva musuuvirifu ku Yahova. Yatinguha malago ga Yahova. Yageriza konyoora zing'anagani kutura ku roho wa vakuzu

2 Kyetsinyinga 28:3

Yasamba kimuli mu Livona lia Hinomu, kali yahaana avayaayi veve kuli visiuviliru viukusambira misambwa, kolondekana ni likora liukuvihiliriza lie zihiiri zia Yahova yakunga kutura mu kivala imbiri wa avandu va Isiraeli.

2 Kyetsinyinga 33:6

Yahaana avayaayi veve kuli visiuviliru viukusambwa mu Livona lia Hinomu. Yakola uvusigitiri, uvukumu, uvulaguli. Yakola uvudamanu vunyingi mu zimoni zia Yahova kandi naavukiza uvutima vwivwe.

Kutwula 22:17

Navuzwa niiva baba wu mukaana alasura muyaayi oyo, kuduuka atuungi baba weve mabese goosi gaduukanaa nu vukwi vwu mukaana mugima.

Kutwula 22:18

“Mukali woosi okolaa uvukumu adukanaa yiitwi

Isaya 47:13

Munyi simuveeye novokonyi ni zing'anagani zia muyoolaa kutura kuvasigitiri mba. Mwaniri ovokonyi kutura ku vandu vaveeye ni limanya lie zing'ereng'ani mu ligulu, kandi avanyala kumuvuulira vuli mweli agazizaa kwekoleka ku munyi.

Jeremia 27:10

Avandu yava vamugada na valamukola muvugulwi kandi muhilwi ihale ligali kutura mukivala chiinyu. Ndamukunga kutura mukivala yiki, kandi muladivizwa.

Jeremia 27:9

Kunangwa mutahulirizi makuva ga avaporofeti vinyu mba, anoho avasegetiri, anoho avamaloto, anoho avakumu avavooraa muvuli kutumikira mwami wa Babiloni.

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Jeremia 7:31

Vamali kwumbaka uvwali vulaangwa ‘Tofezi’ mu livona liu mwana wa Hinomu, kunangwa vaduuki kuhaana avayaayi vaavo na avakaana vaavo vasambwe mu muliru kuli visiuviliru. Inzi si ndaavalaga vakore yaga mba, anoho si gaali mu zing'anagani ziange mba.

Kyavalevi 19:26

“Mutalia inyama nikikirimu na masahi mba. Mutagerizi kokora vukumu vwu lugano lwosi mba.

Kyavalevi 19:31

“Mutateevi zing'anagani kutura ku avandu vaveeye nilihambana na roho midamanu ja vakuzu mba. Niiva mulakola ndio, mulava vadamanu kolondekana ni miima. Inzi mbeeye Yahova winyu.

Kyavalevi 20:6

“Niiva mundu agirung'ana nu kuzia kwenya zing'anagani kutura ku avakumu, Inzi ndagirung'ana kuva musigu weve, na sindamuvaliza kuva mulala ku avandu vange kandi mba.

Mika 5:12

Ndakononyie zinguru ziuvukumu zia mutumikiraa nukumuleka vugira avalaguli.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Vikolwa 19:19

Vanyingi kuvo avaari nivakora uvusigitiri kale, valeta harara vitabu viavo, nivavisaamba ku muliru imbiri wa vandu vosi. Vavaliza vuguli vwi vitabu yivio, nivanyoora viduuka zisiringi zielefu amusini.

Vikolwa 8:9

Mundu mulala yaali mu lidaala yilio, uwalangwa Simoni. Yakola ivindu nuvusigitiri vwivwe ku maziambiri iviagenyia avandu va Samaria ligali. Yiganagana mwene ndi aveeye mundu munene.

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

Kwidzulitsa 12:31

Mutasigamira Yahova Nyasaye winyu kuli yavo vasigamira avanyasaye vaavo mba, kigira mu lisigamira avanyasaye vaavo, vakora vindu viukuvihiliriza zing'ano ziosi via Yahova adunyiraa. Kali vahaana avana vaavo kuli visiuviliru mu muliru ku vwali vwavo.

1 Samweli 15:23

Uvwibaali kuye voveeye uvudamanu kuli ovologi kandi kizalo keveeye kuli uvwoni uvwu kusigamira misambwa. Kigira wasuula lilago lia Yahova, naye umali kusuura ivi kuli mwami.”

1 Samweli 28:3

Kalunu Samweli yaali yakuza na avandu va Isiraeli vosi vaali nivamali kumusiomera nukumuta mu lidaala linene lilie mwene lia Rama. Saolo yaali niyamali kuniga avasigitiri na vulaguli vi limanya vatuli mu Isiraeli.

1 Samweli 28:7

Ahene yaho Saolo yalaga vanene veve, “Nzenyeri mukali musigitiri na inzi nzie kumuteeva zing'anagani.” Vamutivulira, “Aveeye ho nu mulala mu lidaala lia Endori.”

1 Samweli 28:8

Kunangwa Saolo yegoyanya; Yiviika zinguvu zindi, kandi lwa isi yaali ni ya ka mwama, yazia harara na vandu veve vaviri kolola mukali zana. Yamuvolera, “Ondevere misambwa na ombolere kizizaa kwekoleka. Nangila chiriri u chu mundu wa inzi manya mutale.”

1 Samweli 28:9

Mukali oyo yativura, “Ligali ivi umanya icha mwami Saolo yaakoli, kuli yaniga avalaguli na avasigitiri vatuli mu kivala cha Isiraeli. Kigira ogerizaa kotega nduhi nduuki nzitwa?”