Kwidzulitsa 17:3 - KITABU KITAKATIFU

³ ku lisigamira nukutumikira avanyasaye vandi, anoho liuva anoho mweli anoho zing'ereng'ani vindu via Nyasaye yasura,

Kwidzulitsa 17:3 Iomraidhean Croise

Litanga 2:1

Kunangwa Nyasaye yamala kolomba ligulu ni lirova kandi viosi iviveeye mu.

2 Avami 21:3

Yumbaka kandi havundu hu kusigamira misambwa, aha baba weve Hezekia yaali ni yononyia. Yumbaka uvwali vwi lisigamira lia Baali kandi nalomba ivifananyi viu umunyasaye wi kikali, Ashera, kuli mwami Ahabu wa Isiraeli yaali naakori. Manase yasigamira zing'ereng'ani kandi.

Kutwula 22:20

“Oyo uhaanaa visiuviliru ku munyasaye muvogono vwa inzi Nyasaye Wuvunyali kuduuka akalagirwi lidivizwa.

Jeremia 19:5

kandi vamali kwumbakira Baali uvwali kunangwa vaduuki kusamba avana vaavo numuliru kuli visiuviliru. Inzi sindaavalaga kokora ndio mba; kali sigaaliku mu zing'anagani ziange mba.

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Jeremia 7:31

Vamali kwumbaka uvwali vulaangwa ‘Tofezi’ mu livona liu mwana wa Hinomu, kunangwa vaduuki kuhaana avayaayi vaavo na avakaana vaavo vasambwe mu muliru kuli visiuviliru. Inzi si ndaavalaga vakore yaga mba, anoho si gaali mu zing'anagani ziange mba.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Ezekieli 8:16

Kunangwa yambugura niyambila mugati mwu mugizi gwi Litembeli. Hene yaho, ahimbi nu vwingiliru vwi Litembeli, hagati hu vwali nulusimbu, vaaliho avasaza ishilini natano. Vaali nivakubi Litembeli migongo kandi vaali nivinaminyi mitwi jaavo nivahenzi Ivugwi, nivasigamiraa iliuva liali nilitongaa.

Kwidzulitsa 11:16

Mwilindi aveene gase mulagadwa mugirung'ane koleka Yahova kandi musigamiri nokutumikira avanyasaye vandi.

Kwidzulitsa 17:4

Niiva uhulira amakuva gu lugano yilu, mutevelerizi ligali, niiva amakuva yago gaveeye agiligali, na galolekizwi ndi kindu chu kuvihuliriza yiki chayekoleka mu Isiraeli,

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”