Kwidzulitsa 17:16 - KITABU KITAKATIFU

¹⁶ Mwami atava ni zibarasi zinyingi zie liihi lilie mba, kandi atatuma avandu Egebeti kuzia kugura zibarasi zimeedeke mba, kigira Yahova umali kovora ndi avandu veve vatirana yo kandi mba.

Kwidzulitsa 17:16 Iomraidhean Croise

2 Samweli 8:4

Daudi yagumira zibarasi elefu ndala ni zimia saba harara navahili vazio, kandi avasikari zielefu sirini vagenda kuvirenge. Daudi yaleka zibarasi zinyala kung'usa magare gu vulwani imia ndala, navuzwa yatema amaki gi zibarasi zindi ziosi.

1 Avami 1:5

Kalunu Adonija, wa mama weve yalangwa Hagizu, yiikuminya navoora, “Inzi ndava mwami.” Kunangwa yelombera amagare gu vulwani nizibarasi niyetegeka, na avasaza amusini kunyagula imbiri weve.

1 Avami 4:26

Solomoni yaali kandi ni vigo vie zibarasi 40,000 via magare geege gu vulwani kandi zibarasi zia vasikari 12,000.

1 Avami 5:6

Kunangwa tuma avasaza vovo vazie Lebanoni vaandemere midaragwa. Avasaza vange valayinzira navo, na ndatunga vasaza vovo choosi chu ukalaga. Kuli ivi umanyi vulahi, vasaza vange sivamanyi kotema misaala vulahi kuli vovo vamanya mba.”

2 Kyetsinyinga 1:16

Avasingiliri vi likiranyia liu mwami vamiiha ku liguliza ichova zibarasi kutura Egebeti na Kilikia.

2 Kyetsinyinga 9:25

Mwami Solomoni yaali kandi ni zinyumba 4,000 zia magare gu vulwani harara ni zibarasi zie liihi 12,000. Yavika zindala kuzio mu Jerusalemi ni zindi ziatigala ziosi yaazihila mu madaala manene gandi.

Zaburi 20:7

Avalala vasuuvira mu magare gaavo gu vulwani na avandi vasuuvira mu zibarasi ziavo, navuzwa kunyi kusuuviraa mu zinguru zia Yahova Nyasaye wiitu.

Kutwula 13:17

Lwu Mwami wa Egebeti yaleka avandu vazie, Nyasaye siyavaleka vaziiri kunzira iyavitira ku lujinga lwinyanza kuduuka Filisitia mba, kali niiva yaali inzira inyimbi ligali ku ziosi. Nyasaye yaganagana ndi, “Inzi sindakenyi avandu vagirung'anyie zing'anagani ziavo nukwirana Egebeti mba, lwa valora ndi vazizaa kulwaana.”

Kutwula 13:18

Mu vogono yivwo, yaavahilira munzira evodong'ana kuvitira mwigendanyama nivahenzi munzira izizaa kunyanza Inzakanyu. Avandu va Isiraeli vaali ni vetegeki ku liihi.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Isaya 2:7

Kivala chavo chizuuyi ifeza kandi izahabu, na keheri sikeveeye ho ku mavikiru gaavo mba. Kivala chavo chizuuyi zibarasi zinyingi, kandi keheri sikeveeye ho ku magare gaavo gu vulwani mba.

Jeremia 42:19

Maku ndaazizagilira kovora, “Munyi avandu vaatigara Ivuyuda, Yahova umali kovora muvuli kuzia mukivala cha Egebeti. Kunangwa mwiganihizaa kalunu

Ezekieli 17:15

Navuzwa Mwami wi Ivuyuda yibaala kandi natuma avatumwa kuzia Egebeti koleta zibarasi harara ni liihi lia vandu vanyingi. Alaguuta? Mundu okolaa vindu yivi anyala kohononoka? Anyala kuvunaga lilagano ma avuli konyoora mageri?”

Hosea 11:5

“Vasuura kwirana ku inzi, na kulwayago kuduuka viirane Egebeti, kandi mwami wa Asiria alakavamiihi.

Hosea 14:3

Avandu va Asiria si valakohonyia mba; zibarasi ziu vulwani si valakukinga mba. Si kulavoolera vifananyi vietu kandi ndi ‘Munyi muveeye Nyasaye wiitu mba.’ O, Yahova, okoveere zimbavasi kigira si koveeye nuwundi mundu wakuzia ku mba.”

Mika 5:10

Yahova avoora, “Mu lidiku yilio, ndatuliza ho zibarasi zienyu nukwononyia magare ginyu gu vulwani.

Kwidzulitsa 28:68

Yahova alamwilanyia Egebeti mu zimeri kali niiva yavoola ndi simulilana yo kandi mba. Uwene yeyo, mulageriza kwiguliza munyi aveene ku avasigu vinyu kuli avatugwa, navuzwa sihalavaho numundu woosi ulienya kumugula mba.”

1 Samweli 8:11

Samweli yivaara; “Mwami winyu alamukolera kuli ndi. Alakola vayaayi vinyu kugwa vasikari vu vulwani; valala kuvo valatumika mu magare geege gu vulwani, avandi valanina ku zibarasi zizie ziu vulwani, na vandi valanyagula imbiri wa magare geege gu vulwani.