Kwidzulitsa 16:2 - KITABU KITAKATIFU

² Muzie havundu harara hu kusigamira Yahova, na mwitiri yo lilala ku magondi anoho zing'ombe kigira chukulia ichi Lipasaka kuhaana luyali ku Yahova Nyasaye winyu.

Kwidzulitsa 16:2 Iomraidhean Croise

2 Avami 23:21

Mwami Josia yavolera avandu kolomba Lilia lie Lisavo kuhaana uluyali ku Yahova, Nyasaye wavo, kuli gang'odwa mu kitabu chi Lilaga.

2 Kyetsinyinga 35:7

Mwami Josia yahaana vimeme na vana va magondi kutura mu chayo chiche 30,000, nizimbuli kandi zigiriki 3,000 kutura ku miandu jije ju vwami kuli kihanwa chi Lipasaka ku vandu vosi avaari ho.

Livalidza 9:2

“Oleke avandu va Isiraeli vave ni Lisangala liu kwizuliza Lipasaka ku ing'inga imali kulagwa.

Matayo 26:17

Ku lidiku liu kutanga lie lisavo liu mugadi gutaveeye na mamera, aviigi vazia ku Yeso ni vamuteeva, “Wenyaa kokolombere hayi iliilia lie Lipasaka?”

Matayo 26:2

“Mumanye ndi inyima wa madiku gaviri kulava ni lilia lie Lipasaka, kandi Umwana wa Adamu alahaanwa mu makono ga vasigu veve, avambwe.”

Marko 14:12

Ku lidiku liu kutanga lie Lisavo liu Mugadi gutali na mamera, ing'inga ye vimeme via magondi vie Lipasaka viitwa, aviigi veve vamuteeva, “Wenyaa kuzie kokolombera hayi ichukulia chi Lipasaka?”

Luka 22:15

Yavavolera, “Ndayegomba ligali kulia ni munyi Lipasaka yili ningikiri kwitwa!

Luka 22:8

Yeso yatuma Petero na Yohana, namalago yaga, “Muzie mukolombere lisavo lie Lipasaka nakunyi kuduuki kulia.”

1 Vakorintho 5:7

Kuduuka mutulizi amamera makuulu gu vwoni, kunangwa muduuki kuva lihumbi lihia litaveeye na mamera kuli munyi muvezaa. Kristo mwene, mwana wi ligondi wi Lipasaka lietu, umali kuhaanwa kuli kisiuviriru kigira kunyi.

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:14

Kuduuka muvihaane vuzwa havundu harara heng'ine ha Yahova alitovola mu kivala kilala chi zihiiri zienyu aveene. Hazana yaho niho aha muhaanira visiuviliru vienyu viu kusambwa, kandi mulakolera ho goosi aga ndamulaga.

Kwidzulitsa 12:18

Munyi harara na avana vinyu, vatumikiri vinyu harara na vandu vinyuma ya Levi avamenyi mu madaala ginyu kuduuka muliri vihaanwa vienyu imbiri wa Yahova Nyasaye winyu havundu harara heng'ine hatovolwa kusigamira Yahova Nyasaye winyu. Mulasangalira uwene yeyo imbiri wa Yahova Nyasaye winyu ku viosi viamumali kokora.

Kwidzulitsa 12:26

Vuguli zisadaka zienyu ni vihaanwa viosi via mwalagana kuhaana ku Yahova, muhiri havundu hukusigamira Yahova.

Kwidzulitsa 12:5

Kutura mu kivala chi zihiiri zienyu ziosi, Yahova alatovola havundu harara haduukana avandu vosi vazie imbiri weve nu kumusigamira ho.

Kwidzulitsa 15:20

Vuli muhiga, munyi harara na vandu vizinyumba zienyu mulaviliira imbiri wa Yahova havundu hukusigamira aha Yahova alitovola.

Kwidzulitsa 16:1

“Mulindi mweli gwa Abibu, kandi muve ni lisavo lie Lipasaka lia Yahova Nyasaye winyu, kigira mweli gwa Abibu lwa Yahova Nyasaye winyu yamutuliza mu kivala cha Egebeti mu ing'inga yu vudiku.

Kwidzulitsa 16:3

Lwa muva nimulizaa chukulia yiki, mutalia harara nu mugadi gwalomberwa mu mamera mba. Ku madiku saba kuduuka mulie mugadi gutaveeye mu na mamera, kuli mwakora lwa mwatula Egebeti mu lididikana kuli yilio. Mulie mugadi yigu, kigira gulalangwa mugadi gwu vusaliri, kunangwa ku madiku ga muveeye mwoyo, mwizurizi lidiku lia mwatula Egebeti, kivala chuvusaliri.