Kwidzulitsa 16:16 - KITABU KITAKATIFU

¹⁶ Avasaza vosi vi ihiiri yinyu kuduuka vaze kusigamira Yahova, Nyasaye winyu haali kavaga ku muhiga havundu harara hukusigamira ha Yahova yatovola, ku ing'inga yi lisavo lie Lipasaka, lie Ligesa kandi lisavo lie Vidioli. Vuli musaza kuduuka aleete kihanwa, vataaza imbiri wa Yahova makono meere mba.

Kwidzulitsa 16:16 Iomraidhean Croise

1 Avami 9:25

Haali kavaga ku muhiga, Solomoni yahaana vihaanwa viu kusambwa kandi vihaanwa vie mirembe ku vwali vwa yaali ni yumbakiyi Yahova. Yasambira Yahova vimuli. Nindio, lwa yamala kwumbaka Litembeli.

2 Kyetsinyinga 8:13

Yahaana vihaanwa viu kusamba kolondekana na malago gi lilaga lia Musa kigira vuli lidiku litakatifu lie lisabato, mweli muhia gwa masavo gi migadi jitali na mamera, amasavo gi ligesa, kandi amasavo gi vidioli.

Ezara 3:1

Ku mweli gwa saba lwa vaali nivakidikira kutura mu lihaminywa vandu va Isiraeli vosi vaali nivamenyi mu madaala gaavo. Maku vosi vavuganira Jerusalemi,

Nehemia 8:15

Kunangwa vaahana malago yaga kandi nivagatuma mu Jerusalemi mwosi kandi mu madaala manene na madaala gandi goosi: “Muzie muvivala vie vigulu na muleete zisia zia matu kutura ku misaala ji midaragwa, ja mizeituni, ja makindu kandi nimisaala jindi kolomba madiri kuli gang'odwa mu Lilaga.”

Zaburi 122:4

Yimu nimwo mwi zihiiri zia Isiraeli ziza, ukuhaana lisandiza ku Yahova kolondekana na malago geege.

Zaburi 84:7

Avandu yava lwa vavitira mu livona lia Baka, zinguru ziavo zimedekaa vuli kazozo, kandi valalola Nyasaye wa avanyasaye.

Zaburi 84:8

O, Yahova Nyasaye, Wuvunyali hulira lisaala liange!

Zaburi 96:8

Mwizominye lieta lia Yahova liuvukumi. Muleete kihanwa na mwingiri mu Litembeli lilie.

Kutwula 34:20

Navuzwa chatanga kwivulwa chisukiri, mulilana kukigula kandi ku lihaana kememe mu vogono vwacho. Niiva simwenya kwirana kukigula muvunanyie ligoti liacho. Mwilane kugura vuli muyaayi watanga kwivulwa. “Hatava ho nu mulala ololekaa imbiri wange nataveeye nikihaanwa mba.

Kutwula 34:24

Kigira ndakunga zihiiri imbiri woovo kandi ndavambalariza zinzako zie kivala chienyu kandi sihalavaho nu mundu ogeriza kuguuta kivala chienyu mba, lwa muloleka imbiri wa Yahova Nyasaye winyu haali kavaga ku muhiga.

Isaya 23:18

Likiranyia liu vutugi vwalio, vulatakaswa ku vutumiki vwa Yahova; uvutugi yivu si vulavikwa mukedeera mba, navuzwa vulatumika ku yavo avasigamiraa Yahova, kunangwa vaduuki konyoora viukulia kandi lieviika zinguvu kolondekana ni lienya liavo.

Isaya 33:20

Heenzi ku Ziyoni, lidaala linene ha kolombera masavo giitu agidiini. Heenzi ku Jerusalemi! Lidaala linene lio komenya mu, ni mirembe! Lilava kuli lihema ilitanyala kusundwa kali hakuzu, ilie vivambo vialio vitanyala kwifwa, kandi lie migoye jalio jinyala kukalika.

Ezekieli 36:38

Amadara gaveeye kalunu amang'anye, galavamu na vandu vanyingi kuli Jerusalemi yaali na magondi amanyingi agahaanwa kuva kuli kisiuviriru ku lidiku lie lisavo. Maku avandu yava valakamanye ndi, Inzi mbeeye Yahova.”

Kyavalevi 23:34

avolere avandu va Isiraeli, “Ku liduku lie likomi na gatano liu mweli gwa saba, lisavo liange lia madiri lilatanga ma lizizagiliri ku madiku saba.

Haggai 1:9

“Mwasuuvira mulanyola ligesa linyingi, navuzwa mwanyoola ligesa likekeeke. Lwa mwaleeta yengo via mwagesa, ndaviononya. Ndakora ndio kigira Litembeli liange liveeye amang'anye, na vuli mundu ku munyi ayinziraa vudinyu ku inyumba yeeye.

Matayo 2:11

Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.

Marko 12:3

Avalimi yavo va mugumira ni vamukuya, ni vamukunga vugira ikindu.

Yohana 7:2

Lisavo lia Avayuda lie Vidioli liali niliveeye ahimbi kuduuka.

Kwidzulitsa 16:15

Muhaane ku Yahova Nyasaye winyu luyali ku lilomba lisavo ku madiku saba havundu harara hukusigamira ha Yahova yatovola. Musangare kigira Yahova umali kugasiza ligesa lienyu kandi miyinzi jinyu.

Kwidzulitsa 16:17

Sa mulala kuli anyaliza, kolondekana nu uvugasu vwa Yahova Nyasaye winyu amali kumuha.

Kwidzulitsa 31:11

Ulisome ku avandu vosi va Isiraeli lwa vava nivaaza kusigamira Yahova Nyasaye woovo havundu harara heng'ine vuzwa ahukusigamira.

1 Samweli 1:3

Vuli muhiga Elikana yaturaa Rama kuzia kusigamira Yahova Wuvunyali nukuhaana visiuviliru kuye ha Shilo, ha Hofini na Finiasi, avayaayi vaviri va Eli, vaali avasaalisi va Yahova.

1 Samweli 6:3

Vativura, “Niiva mwiranyia Lisandugu lie Lilagana lia Nyasaye wa Isiraeli, kuduuka mulitumi ni kihanwa kuye kutungira uvwoni vwinyu. Lisandugu lie Lilagana litiirana vugira kihanwa mba. Munzira yiyi mulahonywa, kandi; mulamanya kivuni kigiraa nazizagilira kumuha amageri.”