Kwidzulitsa 16:14 - KITABU KITAKATIFU

¹⁴ Musangaliri lisavo yilio harara na avana vinyu vatumikiri, kandi na vandu vinyumba ya Levi, avageni, avavisandu navakunzakali vamenyi mu madaala ginyu.

Kwidzulitsa 16:14 Iomraidhean Croise

Esther 9:22

Yaga gaali amadiku ga Avayuda vanyoola ovovoholore kutura ku avasigu vaavo. Yigu gwaali umweli gwagirung'anywa kutura kung'inga yo vovereri kuduuka mung'inga yu vusangali nu vuyanzi. Vavolerwa vizulizi amadiku yaga kuva agi lilia kandi agu vusangali; agu kuhaanirana vihaanwa vie viukulia ku aveene na aveene kandi ku avadaka.

Kohelethu 9:7

Uzizagiliri kulia chukulia chicho kandi usangale; Unwi iwaini yooyo kandi ove nu vusangali. Goosi gaveeye malahi ku Nyasaye.

Isaya 30:29

Navuzwa munyi avandu va Nyasaye, mulimba zinyimbu ni musaangara kuli mukoraa mu ing'inga yu vudiku vwe lilia litakatifu. Mulimba ni musaangara kuli mundu agendaa kunzira niyimba nilirere kuzia mu Litembeli lia Yahova, mukingi wa avandu va Isiraeli.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Joeli 1:16

Lwivitagwa vietu viononywa koheenzanga vuzwa vugira kokoonya kindu. Uvusangari vuvulaho mu Litembeli lia Nyasaye wiitu.

Kwidzulitsa 12:12

Musangaliri uwene yeyo imbiri wa Yahova Nyasaye, munyi harara na avana vinyu vayaayi na vakana, avatumikiri vinyu vasaza na vakali, kandi vandu vinyumba ya Levi sivalava ni milimi jaavo aveene mba.

Kwidzulitsa 14:29

Chukulia yiki keveeye cha vandu vinyumba ya Levi vosi, kigira sivaveeye ni kidieli anoho miandu jaavo aveene mba, kandi cha avageni, avavisandu, kandi avakunzakali avamenyi mu madaala ginyu. Kuduuka vaze vavuguli choosi cha venya. Mukore ndio, na Yahova Nyasaye winyu aduuki kumugaasiza mu viosi via mukora.

Kwidzulitsa 16:11

Musangare imbiri wa Yahova Nyasaye winyu harara na avana vinyu, vatumikiri vinyu kandi vandu vinyumba ya Levi avageni, avavisandu kandi avakunzakali vamenyi mu madaala ginyu. Mukore yaga goosi havundu harara hukusigamira ha Yahova yatovola.

Kwidzulitsa 16:15

Muhaane ku Yahova Nyasaye winyu luyali ku lilomba lisavo ku madiku saba havundu harara hukusigamira ha Yahova yatovola. Musangare kigira Yahova umali kugasiza ligesa lienyu kandi miyinzi jinyu.

Kwidzulitsa 26:11

Muve nilisandiza kigira vindu vilahi via Yahova Nyasaye winyu umali kuha munyi harara na vandu vinyumba yienyu muleke vandu vihiiri ya Levi na avageni avamenyaa hagati hinyu vasangale harara nimunyi mu lizuliza lie lisavo.

1 Vatesalonike 5:16

Musangare kazozo,