Kwidzulitsa 15:6 - KITABU KITAKATIFU

⁶ Yahova Nyasaye winyu alamugasiza, kuli amali kumusuuviriza. Mulegobiza amabesa ku zihiiri zinyingi, navuzwa munyi aveene simulegoba amabesa kutura kuvo mba. Mulamiiha zihiiri zinyingi, navuzwa sihaveeye ho ni hiiri kali ndala iyamiiha munyi mba.

Kwidzulitsa 15:6 Iomraidhean Croise

1 Avami 4:21

Vwamihi vwa Solomoni vwosi vwa haambanyia harara vivala kutura ku mugera gwa Efurate kuduuka ku kivala cha Avafilisitia, kandi kuduuka ku lwako lwa Egebeti. Avandu vi vivala yivi viosi vaatunga uvusuru kuye kandi yavamiiha mu madiku goosi ga yaali mwoyo.

1 Avami 4:24

Solomoni yamiha kivala choosi keveeye imadioli wu mugera gwa Efurate, kutura Tifusa ku mugera gwa Efurate kuduuka imadioli wi lidaala linene lia Gaza. Avami vosi imadioli wumugera gwa Efurate vamifwa naye, kandi yaali mu mirembe ni vivala viosi viali vatende veve.

1 Kyetsinyinga 17:27

Ngoteva nuyanza uduuki kugasiza visukululwi viange kunangwa valaduuki kuzizagilira kusangalira ligasiza liilio. Ivi, Yahova, umali kuvagasiza vosi, kandi uvugasu vuvwo vulamenya kuvo mihiga ni mihiga.”

2 Kyetsinyinga 9:26

Solomoni yaali mwamihi munene ku vami vandi vosi mu kivala kutura ku mugera gwa Efurate kuduuka ku vandu va Filisitia ma kandi ku lwako lwa Egebeti:

Ezara 4:20

Avami vizingulu vamali kwamiiha yo kandi vamali kwamiiha ku kivala choosi chi Imadioli wa Efurate nivasolola uvusuru.

Nehemia 9:27

Kunangwa ivi waleka avasigu vaavo vavaguuti nukuvamiiha. Mu vudinyu vwavo, vanira ku ivi uvakonye, na ivi waavativulira kutura mwigulu. Mu zimbavasi zizio zinene, ivi wavatumila aviimiliri avavahonyia kutura ku vasigu vaavo.

Zaburi 112:5

Aveeye nuvugasu mundu uyu oveeye muhaani kandi wegobizaa kevete vugira kwenya viambeti. Okolaa miyinzi jije nu vusuuvirifu.

Zaburi 37:21

Mundu mudamanu niyegobi kindu, siyilanyaa mba, navuzwa mundu mulungi niyegobi, aveeye ni zimbavasi nu vuyanzi kwiranya viosi.

Zaburi 37:26

Vuli ing'inga yoosi Yahova ahaanaa vuzwa ku vandu veve vosi, kandi vaveeye ni ligasizwa.

Tsing'ano 22:7

Mundu mutugi yamiha mundu mudaka, na uyu wegobaa aveeye mutugwa wu mwegobizi.

Luka 6:35

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Kwidzulitsa 15:5

Niiva mulahulira Yahova Nyasaye winyu, kandi nimugumira vulahi vindu viosi viamulagaa kalunu.

Kwidzulitsa 28:44

Valava na mabese kumwegobiza, navuzwa munyi simulavegobiza mabesa mba. Valava aviimiliri, navuzwa munyi mulava avalondi vaavo.