Kwidzulitsa 15:20 - KITABU KITAKATIFU

²⁰ Vuli muhiga, munyi harara na vandu vizinyumba zienyu mulaviliira imbiri wa Yahova havundu hukusigamira aha Yahova alitovola.

Kwidzulitsa 15:20 Iomraidhean Croise

Kyavalevi 7:15

Inyama yi kisiuviriru chi kihanwa chi mirembe ku lisandiza, kuduuka iliivwi ku lidiku zana liu mutugu yigwo gusiziywi; Ataleka kali kedonye kekekeeke kuyo kiduuki mugamba golondaku mba.

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:14

Kuduuka muvihaane vuzwa havundu harara heng'ine ha Yahova alitovola mu kivala kilala chi zihiiri zienyu aveene. Hazana yaho niho aha muhaanira visiuviliru vienyu viu kusambwa, kandi mulakolera ho goosi aga ndamulaga.

Kwidzulitsa 12:17

Mutaliira ku vihaanwa via muhaanaa ku Nyasaye mu madaala ginyu aha mumenyi mba: kali niiva izaka yuvuswage vwinyu anoho iwaini yinyu, anoho ya maguta gamuzeituni, anoho mitugu jitanga kwivulwa jie zing'ombe anoho magondi, anoho vihaanwa via mwalagana na Yahova anoho vihaanwa vienyu viu vuyanzi anoho vihaanwa vienyu vindi.

Kwidzulitsa 14:23

Maku muzie havundu harara, aha Yahova Nyasaye winyu amali kotovola asigamirwi ho; kandi uwene yeyo imbiri weve, mulie izizaka ziu vuswage vwinyu, iwaini yinyu, na maguta ga muzeituni kandi iviukutanga kwivulwa vie zing'ombe na magondi. Mukore ndio kunangwa muduuki kwiga kuli munyala kuhaana luyali ku Yahova Nyasaye winyu kazozo.